Скамакка "Реал"га қарши Суперкубок учрашувини ўтказиб юборади

Бергамонинг "Аталанта" жамоаси ҳужумчиси Жанлука Скамакка "Парма"га қарши ўртоқлик учрашувида жароҳатланди, деб хабар бермоқда "TuttoMercatoWeb".

Хабар қилинишича, Скамакканинг чап тиззаси тўқимасидан шикастланган. Жароҳатнинг аниқ табиати ва форварднинг тикланиш муддати МРТ натижаларига кўра маълум бўлади.

Жанлука Скамакка ўтган мавсум "Аталанта" сафида 44 та ўйинда майдонга тушиб, 19 та гол урган ва 7 та голли узатмани амалга оширган эди.

"Реал" – "Аталанта" баҳси 14 август куни тунда ўтказилади.