Сингапур бош мураббийи: "Ўзбекистон ҳар томонлама биздан кучлилик қилди"
15 oct 2019 21:36
News

Сингапур бош мураббийи: "Ўзбекистон ҳар томонлама биздан кучлилик қилди"

Бугун бўлиб ўтган Сингапур - Ўзбекистон ўйинидан кейин матбуот анжумани ташкил этилди.

Матбуот анжуманида иштирок этган мезбонлар бош мураббийи Татсума Йошида қуйидаги фикрларни билдирди.

- "Уйда ўйнашимиз фойда беради деб ўйлагандик, бироқ дастлабки 15 дақиқада жуда ёмон ўйин кўрсатдик. Ўзбекистон терма жамоасининг тезлиги, техникаси ва футболчиларнинг индивидуал ҳаракатлари кучли бўлди. Тажриба ўз сўзини айтди, кучли жамоалар билан ўйинда имконият бермаслик керак".

- "Ўйлайманки, мухлислар бугунги мағлубиятдан хафа бўлишмайди. Биз ўсяпмиз. Йигитлар ўрганмоқда ва бундан доим тўғри хулоса чиқаришга ҳаракат қилиш керак. Биз яхши ўйнадик, лекин бу очко учун етарли бўлмади. Июнь ойида терма жамоани қабул қилиб олганимдан бери анча ўсишга эришдик дея оламан".

- "Рақибнинг учинчи голи умуман ортиқча бўлди. Биз югуришни тўхтатиб қўйдик. Мағлубиятдан тўғри хулоса чиқаришга ҳаркат қиламиз", - дейди япониялик мураббий.

Link :

Source : championat.asia

Receive latest football news directly on your phone. Subscribe for our Telegram channel!

Rating: +120