Latest news

22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  16 21:49Акмал Рустамов: "Келаси йил кучлилар орасида бўлишни хоҳлаймиз"  1 21:21"Қосимпошо" — "Башакшехир". Таркиблар маълум  21 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1 21:07Камолиддин Тожиев: "Жамоадаги энг асосий нарса бу ички муҳит ҳисобланади"  2 20:52"Қизилқум" — "Шўртан" учрашувида захира ҳаками ва футболчи ўртасида юзага келган вазият юзасидан изоҳ  3 20:33Шерзод Жўраев: "Бирданига жамоа тузиб бўлмайди, ҳаммасига вақт керак"  3 20:23Ўзбекистон аёллар терма жамоаси Тошкентда Эронни қийинчиликсиз мағлуб этган ўйиндан ФОТОГАЛЕРЕЯ  1 20:14"Монако" — ПСЖ. Таркиблар маълум  4 19:15Суперлига. “Насаф” — “Динамо” 0:0   0 19:04Рўзиқул Бердиев: "Афсуски, мавсум биз учун бир текис ўтмади"  9 18:36Суперлига-2025. "Пахтакор" кумуш, "Насаф" бронза медалига эга чиқишди  21 18:27Туркия Суперлигаси. "Ризеспор" ўз уйида мағлуб бўлди, Алиқулов захирада қолдирилди  2 17:59Вадим Абрамов: "Баъзи ўйинларимиз ижобий якун топганида ҳатто иккинчи ўринни олишимиз мумкин эди"  13

Интервью. Шукрон Йўлдошев: "Кўпроқ ўйин амалиётини истадим, "Навбаҳор"га ўтишим кутилганидан тез бўлди" News

Интервью. Шукрон Йўлдошев: "Кўпроқ ўйин амалиётини истадим, "Навбаҳор"га ўтишим кутилганидан тез бўлди"

Қишки трансфер ойнасида "Локомотив" сафига келиб қўшилган Шукрон Йўлдошев мавсум бошланмасидан иккинчи жамоаси сафига бориб қўшилди.

Дарвозабон янги мавсумни "Навбаҳор"да бошлайди. Унга жамоа алмаштириши сабаби ва бошқа қизиқарли саволлар билан юзландик. 

- Бирорта ўйин ўтказмасдан "Локомотив"дан кетишингиз қизиқ бўлди. Аслида клуб билан келишув қандай эди ва эрта тарк этишингизга қайси омиллар таъсир қилди?

- "Локомотив" билан декабрь ойида келишувга эришгандим. Ҳаммаси яхши эди. Лекин якунда кўпроқ ўйин амалиётига эга бўлиш учун жамоадан кетишга қарор қилдим. Клуб раҳбариятига мени тўғри тушунгани учун раҳмат айтмоқчиман. 

- Бунга "темирйўлчилар"нинг Суперлигада эмас Про лигада ўйнаши ҳам сабаб бўлдими? 

- Қийин савол бердингиз. Юқорида айтганимдек бу ерда асосий масала ўйин амалиёти. 

- "Навбаҳор"га ўтишингиз кўп куттирмади. Бу даражада тез юз беришини кутганмидингиз?

- Жамоадан кетганимдан сўнг "Навбаҳор" раҳбарлари алоқага чиқди. Узоқ ўйлаб ўтирмай келишувга эришдик. Барчаси тезда кечди. 

- Қишки трансферлар ойнасида "Сурхон", "Динамо" ҳам қизиқиш билдирганди. Қайси жамоада ўйнаб кетишингизга ишончингиз юқори эди?

- Миш-мишлар доим бўлган. Лекин бу икки жамоани олсак "Сурхон"ни танлардим. 

- Фаолиятингиздаги жамоаларга назар солсак "Навбаҳор" улардан анча фарқ қилади...

- Албатта, "Навбаҳор" Ўзбекистон гранди ҳисобланади. Бу жамоага қўшилганимдан хурсандман. Ўз ўйиним билан ёрдам бермоқчиман. 

- Қисқача саволларга ўтамиз. 2019 йил "Пахтакор-79" филмида суратга тушгансиз...

- Камерага қараб роль ўйнаш жуда қийин. Бу ерда ҳам ҳамма касбдаги каби профессионал бўлиш керак экан. 

- Шукрон Йўлдошев қайси автомобилни яхши кўради?

- "Ламборжини Урус".

- Дарвозабонлардан кимларни кўпроқ кузатасиз?

- Эдерсон, Куртуа, Зоммер.

- Бир йилда нечта қўлқоп алмаштирасиз?

- Тахминан 15-20 тадан кўп. 

- Бутса борасидачи?

- 4 та бутса етса керак бир йилга. 

- 10 йилдан сўнг...

- Худо хоҳласа А Серияда бўлишни истайман.

Rating: +2   

Comments

championat.asia
< show latest news
Яндекс.Метрика