Шуҳрат Садирдинов: “Ўз мухлисларимиз олдида ғалаба қозониб, олдинги мағлубиятларимизни ювмоқчимиз”
11 oct 2016 10:57
News
![](https://championat.asia/upload/storage/223852_original.jpg)
![](/upload/storage/223852_220.jpg)
Шуҳрат Садирдинов: “Ўз мухлисларимиз олдида ғалаба қозониб, олдинги мағлубиятларимизни ювмоқчимиз”
- Меҳмондаги учрашув ҳақида фикрларингизни билдирсангиз?
- Ўйин қийин ўтди. Бир неча турдан бери мағлубиятга учраётган эдик ва мехмонда бўлса ҳам ғалаба қозонишимиз шарт эди. Чунки биздан мухлисларимиз ғалаба қозонмаётганимиз учун бироз хафа эди. Бу турга ўз мақсадимизга қийинчилик билан бўлсада бунга эришдик ва кам сонли бўлсада бизда мехмондаги учрашувга бориб қўллаб-қувватлаганлиги учун мухлисларимизга рахмат айтмоқчиман.
- Биринчи даврада жамоанинг ғалабалари кўп эди, аммо иккинчи даврага келиб бир неча турда мағлубиятга учради. Бунга ички муҳит сабабчи эмасми?
- Йўқ. Жамоанинг ички муҳити анча яхши, иккинчи даврада бироз янги ўйинчилар жамоага мослашиши қийин кечди ва хозир хаммаси яхши.
- Биламизки, сиз Олий лига иштирокчиси “Олмалиқ” жамоасида ўйнагансиз. Хозирги кунда жамоа Олий лигада 12-ўринда бормоқда. Бунинг сабаблари нимада деб ўйлайсиз?
- “Олмалиқ” жамоасини имкон қадар матбуотда бўлса хам кузатиб бораман. Бу жамоадан омад бироз юз ўгирмоқда. Лекин мусобақа сўнгига қадар ўзлари учун керакли натижаларни қайд этади деб ўйлайман. Бу жамоага омад тилайман.
- Охирги савол, “Зомин” жамоасининг кейинги 2 та тур учрашуви (12 октябрь “Хоразм”, 15 октябрь “Орол” билан) Зоминда бўлиб ўтади. Бу учрашувга қай тарзида тайёргарлик кўраяпсизлар?
- “НБУ-Осиё” жамоаси устидан қозонилган ғалаба, бизга руҳий куч бўлади. Ўз мухлисларимиз олдида ғалаба қозониб, олдинги мағлубиятларимизни ювмоқчимиз.
Акмал Раҳматуллаев суҳбатлашди.
Similar news
![AMP Logo](https://championat.asia/image/logo-amp.png)
Comments