Шота Арвеладзе РПЛ клубини бошқариши мумкин

Бугун "Краснодар" жамоа бош мураббийи Виктор Гончаренкони истеъфога чиқариш бўйича қарор қабул қилганди.

СЭ'нинг маълумотига кўра, Шота Арвеладзе "Краснодар"ни бошқариш учун номзодлардан биридир. Бунгача жамоани "Локомотив" (Москва) собиқ устози Марко Николич ҳам бошқариши мумкинлиги айтилган эди.

Арвеладзенинг сўнгги иш жойи Тошкентнинг "Пахтакор" жамоаси бўлганди. У "шерлар" билан икки бор Ўзбекистон чемпиони ва икки бор мамлакат кубогига эга чиққанди. Бунга қадар эса мутахассис Туркиянинг "Кайсериспор", "Қосимпошшо", "Трабзонспор" ва Исроилнинг "Маккаби" жамоаларида ишлаган.