Шомуродов РПЛнинг кетма-кет учинчи ўйинида гол урди
12 aug 2019 23:07
News

Шомуродов РПЛнинг кетма-кет учинчи ўйинида гол урди

Айни дақиқаларда Россия чемпионатининг 5-туридан ўрин олган «Ростов» – «Крилья Советов» учрашуви бўлиб ўтмоқда.

Баҳсда ҳисобни ростовликлар форварди Элдор Шомуродов очди. Шу тариқа, Элдор мусобақа доирасидаги кетма-кет учинчи ўйинда гол киритди. Голли серия «Арсенал» (3:2), «Урал» (2:2) ўйинидан бери давом этиб келмоқда.

Умуман, унинг ҳисобида бешта ўйиндан сўнг ҳозирча 4та гол бор. Шунингдек, 24 ёшли форвард 1та голли узатмага ҳам эга. Тўпурарлар жадвалида эса у пешқадамлар Артем Дзюба («Зенит») ҳамда самараликлар аъзоси Александер Соболевга етиб олди.