Шавкат Саидов: "Динамо" ҳаққоний ғалабага эришди"
03 mar 2017 22:29
News

Шавкат Саидов: "Динамо" ҳаққоний ғалабага эришди"

"Металлург" - "Динамо" учрашидан кейинги матбуот анжуманининг иккинчи қисмида мезбонлар жамоаси бошлиғи Шавкат Саидов иштирок этди.

"Биринчи учрашувни ўз мухлисларимиз қаршисида бой бериш оғир, аммо бу футбол. Унда кутилмаган натижалар учраб туради.

Назаримда биз ўйинни бошлангунча бой бериб қўйгандекмиз. Олий лигага энди қайтган жамоани осонликча таслим этамиз деган хом ҳаёл футболчиларимизга панд берди. Нима ҳам дердим, энди кейинги учрашувларга тайёргарлик кўрамиз. Тайёргарликни эса бугундан бошлаймиз.

Самарқандликлар ҳаққоний ютуққа эришишди, уларни уч очко билан табриклайман. Мавсум эндигина бошланди. Дастлабки учрашувлардан кейин хулоса чиқариб бўлмайди. Кейинги турларда ўз ўйинимизни топиб олишимизга ва мухлисларимизни тез орада хурсанд этишимизга ишонаман, - дейди Шавкат Саидов.

"Металлург" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +7