Шавкат Саидов: "Биз Ғузорга ғалаба учун келгандик"
15 aug 2016 11:27
News

Шавкат Саидов: "Биз Ғузорга ғалаба учун келгандик"

Учрашувдан кейин биз “Металлург” жамоаси бошлиғи Шавкат Саидовнинг ўйин ҳақидаги фикрларини сўрадик.

Шавкат Саидов, “Металлург” ФК жамоа бошлиғи: - Биз Ғузорга ғалаба учун келгандик. Гувоҳи бўлганингиздек ўйин давомида ташаббус “Металлург” футболчилари томонида бўлди.

Аммо яратилган вазиятлардан фойдаланишда футболчиларимиз оқсашди. Сўнгги йилларда “Шўртан”ни уйда ҳам, сафарда ҳам мағлубиятга учратиб келаётгандик. Бу сафар қарши ҳужум қурбонига айландик. Худди Фарғонада “Нефтчи”га қандай ютқазиб қўйган бўлсак, Ғузорда ҳам шу сценарий такрорланди. Биз бурчакдан тўпни ўйинга киритдик. Мезбонлар дарвозабони тўпни эгаллаб олиб тезда қарши ҳужумни бошлаб берди. Учинчи тўп оширилишидан кейин дарвозабонимиз тўпни дарвоза тўридан олиб чиқди. Мазкур камчиликни албатта уйга боргач яна қайта ўрганиб, таҳлил этамиз. Қайта такрорламаслик чораларини ишлаб чиқамиз. Кейинги ўйинларда ижобий натижаларимиз билан мухлисларимизни хурсанд этишга ҳаракат қиламиз, дейди Шавкат Саидов.

"Металлург" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +1