Latest news

21:43Ўзбекистон терма жамоасининг бугунги машғулотидан ФОТОГАЛЕРЕЯ  0 21:34Аарон Ремзи фаолиятини Мексикада давом эттиради  0 21:10Абдулла Абдуллаев: "Энди янада юқори мақсадлар қўйиб, мундиалда яхши натижалар қайд этишга ҳаракат қиламиз"  4 20:44Ўзбекистон U-16 назорат ўйинида Россия U-16га йирик ҳисобда мағлуб бўлди  7 20:24Одил Ҳамробеков: "Нималар қилиб қўйганимизни тўлиқ ҳис қила олмаяпман"  9 20:00Ўзбекистон кубоги. "Динамо" ва "Лочин" ўртасидаги 1/8 финалнинг илк ўйини бўлиб ўтмоқда (онлайн ҳисоб)  7 20:00УЕФА Миллатлар лигаси. Франция учинчи ўрин учун баҳсда Германияни мағлубиятга учратди  26 19:54Про лига. "ФарДУ" ва "Арал" ўртасидаги ўйин тақдирини ягона гол ҳал қилди  2 19:38"Реал" мухлислари учун хушхабар  0 18:34Ўзбекистон U-21 — Россия U-21. Ўртоқлик ўйини учун таркиблар маълум  27 18:28"Қора" ишчилар мукофотланмайдими?  14 18:03Мундиал йўлланмасини тақдим этган БАА — Ўзбекистон ўйинидан мухлислар ФОТОГАЛЕРЕЯси  1 17:38Бернарду Силва "Манчестер Сити"ни тарк этиши мумкин  0 16:25Тер Штеген "Барселона" матбуот босими орқали уни кетишга мажбур қилмоқчи деб ҳисобламоқда, аммо...  10 15:55"Ливерпуль" ва "Милан" собиқ футболчиси Сегунда клубига ўтди  1

Шаҳбоз Беғамов: "Улуғбек Бақоев «Сўғдиёна»ни Суперлигада жон сақлайдиган жамоадан ички чемпионат доирасида топ жамоага айлантирди" News

Шаҳбоз Беғамов: "Улуғбек Бақоев «Сўғдиёна»ни Суперлигада жон сақлайдиган жамоадан ички чемпионат доирасида топ жамоага айлантирди"

ОФК Кубоги Ҳудудлараро финалидан ўрин олган "Сўғдиёна" – "Куала-Лумпур Сити" учрашувида "Сўғдиёна" пенальтилар сериясида мағлуб бўлди.

Учрашувдан сўнг "Сўғдиёна" бош мураббийи Улуғбек Бақоев мухлисларнинг кўп сонли танқидларига учради. Журналист Шаҳбоз Беғамов эса ўз телеграм каналида ушбу вазиятга муносабат билдирди.

"Улуғбек Бақоев «Сўғдиёна»ни Суперлигада жон сақлайдиган жамоадан ички чемпионат доирасида топ жамоага айлантирди. Жамоа барқарор ва мунтазам медаллар учун курашадиган, кубокда финал остонасигача борадиган ва ОФК кубогида биринчи уринишидан ярим финалга қадар етиб борганини унутмаслик керак.

Мураббий сифатидаги фалсафа ва услуби бу бошқа масала. Факт шуки, Бақоев жамоа менталитети ва приоритетини буткул янги даражага олиб чиқди. Шу кўпчиликка ёқмайдиган футбол услуби билан натижаларга эришди. Футболда ҳар хил услуб бор ва менга ҳам «Сўғдиёна» намойиш қиладиган футбол ёқмайди, масалан. Лекин бу иш бериб, жамоа статуси ўзгарди, Бақоевнинг услуби «Сўғдиёна»га натижа келтирди. Буни инкор этиш мумкин эмас. 

Масалан, Купер ва Катанецнинг услуби Бақоевникидан деярли фарқ қилмайди ва мен уларни танқид қиламан. Нега? Чунки улар қурмоқчи бўлаётган футбол билан терма жамоамиз натижага эришишига ишонмайман. Лекин Бақоевда бошқача. У «Сўғдиёна»да қаторасига нечанчи йил муваффақиятли ишлаб, натижа келтирмоқда.

Дейлик, Бақоев агарда «Насаф» ёки «Пахтакор» даражасидаги жамоада ишлаб, шу услубда футбол ўйнаб, лекин натижага эриша олмаганида танқид асосли бўларди, назаримда. Лекин «Сўғдиёна»даги фаолиятига натижа жиҳатидан қаралганда, Бақоевни аёвсиз танқид қилиш ноҳақлик. 

«Сўғдиёна» кеча қандай эдию, Бақоев келгач қандай жамоага айланганини унутмаслик керак.

Натижа жиҳатдан қараганда ҳар бир жамоага бир хил мусобақадаги иштироки учун икки хил стандартда баҳо бериш нохолислик бўлади. 

Услуб у бошқа масала ва мураббий ўз фалсафасидан воз кечмайди ҳеч қачон.

Мен Купер ёки Катанецни танқид қилганда услубини ўзгартирсин, дея бўлмағур талабни қўймаганман ҳеч қачон. Чунки мураббий кимнингдир фикри билан футболга бўлган қарашини ўзгартирмайди. Ва шу боис уларнинг бу услуби иш беришига ишончим бўлмаганидан кетишини истаганман. Ёки Моуринью прагматик услубидан воз кечдими? Доим топ даражадаги ўйинни кўрсатадиган, лекин ЕЧЛда муҳим паллаларда панд ейдиган Пеп ҳимоявий услубни қўллаб, жамоа фалсафасини ўзгартирганми?

Тактик гибкий, қўл остидаги ижрочилардан келиб чиқиб ўйин услубини яратадиган мураббийлар ҳам бор. Аммо улар жуда камчилик.

Лекин маълум услуб ва аниқ тактикага таянган мураббийлар кўпроқ ва мисол учун Симеоне, Купер, Катанец, Бақоев, Гвардиола ёки Моуринью ёки яна қатор бошқа мутахассислар улар қаторига кирмайди", -деб ёзади Шаҳбоз Беғамов.

Rating: -33   

Comments

championat.asia
< show latest news
Яндекс.Метрика