Сервер Жепаров: “Шу соврин биз учун жуда ҳам керак эди”
23 nov 2014 17:04
News

Сервер Жепаров: “Шу соврин биз учун жуда ҳам керак эди”

Бугун терма жамоамиз сардори Сервер Жепаров тўп тепаётган “Сеонгнам” клуби Жанубий Корея Кубогининг ҳал қилувчи финал учрашувида “Сеул” жамоасини ўйиндан кейинги пенальтилар сериясида мағлуб (4:2) этиб, бош совринни қўлга киритди.

Финал ўйинидан сўнг Жепаров ўз таассуротларини бизга берган интервьюсида шундай ифодалади.

“Шу кубок биз учун жуда ҳам керак эди. Мавсумни омадсиз ўтказаётганимиз сабаб, жамоамиз мухлислари олдидаги мажбуриятимизни фақат шу йўл билан бажаришимиз мумкин эди. Буни барчамиз тўғри тушуниб тургандик ва якунда ҳақли равишда кубокка эга чиқдик. Чемпионатда олдимизга қўйилган вазифа эса олий лигадаги ўрнимизни сақлаб қолиш. Келаси мавсум жамоада қоламанми, йўқми, бу ҳали аниқ эмас”, - деди Жепаров.

Link :

Source : olamsport.com

Receive latest football news directly on your phone. Subscribe for our Telegram channel!

Rating: