Latest news

00:45ЎФА президенти Баҳодир Қурбонов ЖЧ саралашининг муҳим учрашувларидан олдин миллий жамоа билан учрашди  5 00:24Ўзбекистон терма жамоасининг 18 март кунги машғулотлари (Ҳусанов ва Машарипов билан интервью)  7 00:04Ўзбекистон миллий терма жамоаси машғулотларидан ГАЛЕРЕЯ  1 23:45Мбаппе Дешамдан кейин ким Франция термасини бошқариши кераклигини айтди  3 23:20Ламин Ямал: "Ливерпуль" мусобақани тарк этганидан сўнг "Барселона" ЕЧЛ ғолиблиги учун фаворитга айланди"  19 22:55Қирғизистонга қарши ўйин олдидан Ўзбекистон термасида йўқотиш(лар)  10 22:31Жалолиддин Машарипов: "Абдуқодир планкани кўтариб юборди. Жаҳон чемпионатига чиқсак, қолган футболчиларга ҳам йўл очилади"  14 22:11Абдуқодир Ҳусанов миллий жамоа машғулотларидан олдин интервью берди  15 21:15Почеттино: "Инфантино АҚШ президентига Жаҳон чемпионатида ғолиб бўлишимиз мумкинлигини айтди. Бу жавобдан бироз хафа бўлдим"  6 20:50МЮ ёзда қайси ўйинчиларни сотиб юборишни белгилаб олди  2 20:28"Барселона" Касадонинг қанча муддатга сафдан чиққанини маълум қилди  1 19:59"Рома" посбонига "Челси" ва "Бавария" қизиқиш билдирмоқда  1 19:37Испан гранди Погбани ўз сафига қўшиб олмоқчи  2 19:26"Нефтчи" хайрли ишга қўл урди  10 19:17"Ливерпуль" АПЛдаги юлдуз форвард учун курашга қўшилмоқчи  2

Сергей Ни эсингиздами? У бугун 44 ёшга тўлди, Кападзе эса унга табрик йўллади News

Сергей Ни эсингиздами? У бугун 44 ёшга тўлди, Кападзе эса унга табрик йўллади

Ҳаётларидаги энг қувончли кунлардан бири - таваллуд айёмини нишонлаётган футболчилар, мураббийлар, бир сўз билан айтганда футбол аҳлини қутлашда, хурсандчиликларига шерик бўлишда давом этамиз.

Бугун ўтган асрнинг 90- ҳамда 2000-йилларида ўзининг ҳужумдаги ёрқин ўйинлари билан ўзбек футболи мухлислари қалбидан жой олган Сергей Ни 44 ёшга тўлди. Балки, бугунги ёш авлод Ни ҳақида маълумотга эга эмасдир, лекин ўрта ва кекса авлод вакиллари Сергейнинг “Нефтчи” таркибидаги юлдузли онларига хўпам гувоҳ бўлишган.

1975 йилнинг 3 август куни дунёга келган бугунги қаҳрамонимиз тўп тепишни барча болалар сингари кўча футболидан бошлаган. Унинг биринчи жамоаси Халқободнинг “Соҳибкор” (Тошкент вилояти) клуби бўлган. Сергей 1991 йили 16 ёшида ушбу жамоа сафида майдонга тушган. Профессионал футболчи сифатидаги илк шартномасини 1992 йили Қўқоннинг “Темирйўлчи” (ҳозирги “Қўқон-1912”) клуби билан имзолаган. Икки мавсум давомида қўқонликлар шарафини ҳимоя қилган Ни тезда ўша пайтнинг етакчи клублари эътиборига тушади. Бу курашда эса “Нефтчи” ютиб чиқади.



Шундан сўнг, у кетма-кет 5 мавсум давомида Юрий Саркисян бошчилигидаги “Нефтчи” сафида ўйнайди ва икки маротаба Ўзбекистон чемпионига айланади. Орада ярим мавсум “Темирйўлчи” таркибида майдонга тушади ва яна жонажон клубига қайтади. 1999-2003 йиллар оралиғида фарғоналиклар учун тўп тепган Сергей Ни 2001 йили яна Ўзбекистон чемпиони бўлди. Шунингдек, у бир неча карра мамлакат вице-чемпионлигига ҳам эришган. Фаолиятининг сўнгги йилларида Муборакнинг “Машъал”, Самарқанднинг “Динамо”, Тошкентнинг “Локомотив” клублари шарафини ҳимоя қилган ва 2008 йил якунида бутсаларин михга илади.



“Нефтчи”га садоқати билан мухлислар қалбидан чуқур жой олган Сергей Ни Ўзбекистон миллий терма жамоаси либосида битта учрашувда иштирок этган. 2001 йилнинг 17 январь куни Исроил терма жамоасига қарши кечган ўртоқлик учрашувининг 66-дақиқасида ўйинга қўшилган Ни майдонда 25 дақиқа ҳаракат қилганди.



Темур Кападзенинг тилаклари


- Сергей Ни ўзининг ёрқин ўйинларини ўтказган пайтларда биз ёш бола бўлиб “Нефтчи” сафига келиб қўшилгандик. Унинг ҳаракатларидан кўпчилик мухлислар сингари завқ олганмиз. Ўрганган жиҳатларимиз кўп бўлган. У том маънода Фарғона футболининг садоқатли ўғлонларидан. Фурсатдан фойдаланиб, Сергей акани бугунги туғилган куни билан чин қалбдан табриклайман. Оиласига тинчлик-хотиржамлик тилайман.

Биз ҳам ўз ўрнида Темур Кападзенинг тилакларига қўшилган ҳолда Сергей Ни каби жамоасига садоқатли футболчилар кўп бўлишини истаймиз.



Суриштиришларимиз натижасида шу нарса аён бўлди-ки, Сергей Ни ҳозирда Жанубий Кореяда истиқомат қиляпти.

Rating: +31   

Comments

championat.asia
< show latest news
Яндекс.Метрика