Сергей Лушан: "Ёш футболчиларимиз ОЧЛда катта тажриба тўплашди"

"Бугунги учрашувдан қониқдим, йигитлар ўйинда борларини бериб ўйнашди. Бундан хурсандман. Баҳс тенг курашлар остида ўтган бўлса-да, бизда голли вазиятлар кўп бўлди. Аммо улардан фойдалана олмадик. Бизнинг ёшларимиз керак бўлса бир ўйинда 4-5талаб гол уришаяпти, баъзида эса умуман ура олишмаяпти. "Лаҳвия"ни табриклайман. Бу жамоага кейинги босқичда омад тилайман.

Бундай об-ҳавода юқори тезликда ўйнаш осон эмас. Лекин шундай шароитда имкон қадар яхши ўйин кўрсатган шогирдларимга раҳмат айтаман.

- "Бунёдкор" ушбу мусобақанинг энг ёш жамоаси. Бу таркибни келажаги порлоқ эканлигини бутун Осиё билиб турибди. Йигитлар мусобақадан нималар олишяпти деб уйлайсиз?
- Албатта бу жуда катта мусобақа. Ундан тажриба оламиз. Ёшларимиз бу мусобақадан ташқари, Осиёнинг бошқа турнирларида ҳам иштирок этишмоқда. Бу йигитларни келажакда миллий терма жамоанинг муносиб ва етук футболчилари бўлиб етишиши учун тарбиялаяпмиз. Бизни кузатиб бораётганингиз учун ташаккур.

Лушанга учрашувнинг энг яхши футболчиси деб топилган Элдор Шомуродов ҳамроҳлик қилди.
"Иккала жамоага ҳам ўйин қийин бўлди. Бундай ҳавода ўйнаш осон эмасди. Гуруҳ босқичида қаердадир омад етишмади", - дейди Шомуродов.

"Бунёдкор" матбуот хизмати