Latest news

23:51Себальос "Марсел"га ўтишдан бош тортди. "Реал" хавбекни 11+4 млн еврога мажбурий сотиб олиш шарти билан ижарага беришга тайёр эди  0 23:25Равшан Ҳайдаров: "Ҳеч қачон рақибларга паст назар билан қараш керак эмас"  3 23:14Англия Лига Кубоги. ​"Гримсби Таун" – "Манчестер Юнайтед": Онана, Магуайр, Хевен, Амад ва Шешко бошланғич таркибда!  0 22:59Илёс Зейтуллаев: "Бу ўйин менга катта дарс бўлди"  3 22:39Виктор Карпенко: "Жамоамиз футбол ўйнашни билади"  8 22:12Ўзбекистон Кубоги ярим финалига қуръа ташланди  28 21:54Элдор Мойлиев: "Бугун энг ёмон ўйинларимиздан бирини кўрсатдик"  0 21:35Вадим Абрамов: "Динамо"нинг барча футболчилари терма жамоада ўйнашга лойиқ"  13 21:28Ўзбекистон Кубоги. "Бухоро" "Бунёдкор"ни енгиб, ярим финал йўлланмасини нақд қилди, Табатадзедан дубль!  98 21:11Голларга бой ўйинда ўзбекистонлик афсоналар жаҳон футболи юлдузларидан устун келди  13 20:52Отабек Шукуров: "Бундан буён ЖЧга чиққан жамоамиз, шунга яраша ўйнашимиз керак"  9 20:35Ўзбекистон Кубоги. "Динамо" "Шўртан" дарвозасига жавобсиз 3 та тўп йўллади ва ярим финалга йўл олди  9 20:15Мбаппе, Дембеле, Тюрам, Меньян, Шерки ва Олисе - Франциянинг Украина ва Исландия билан ўйин учун таркибида, Экитике эса йўқ  1 18:57ОКМК футбол академияси учун янги замонавий бино фойдаланишга топширилди  0 18:00Championat.asia ҳамда Transfermarkt Ўзбекистон Суперлигасининг августдаги энг яхши мураббийи ва футболчисини аниқлади   18

Сергей Арсланов: "Бу ғалаба сенсация эмас" News

Сергей Арсланов: "Бу ғалаба сенсация эмас"

Coca Cola Суперлига 6-тури доирасида "Бунёдкор" мағлуб этилганидан кейин "Сурхон" бош мураббийи Сергей Арсланов ўз фикрларини билдирди.


- Ўйин ҳодисаларга бой бўлди. Ҳужумлар, қизил карточка ва жанг... Бундай учрашувлардан фойда катта бўлади. Бугунги ғалабага бўлган хоҳиш учун футболчиларга раҳмат айтаман, айниқса учрашувнинг энг яхшиси бўлган Жумаевга. У биринчи голини уришга эришди. Ўтган учрашувда голли пас берган эди, бу сафар эса гол урди. Ўйин курашларга бой ўтди, лекин ғалабани сенсация деб ўйламайман. Йигитлар майдонда яхши ҳаракатланишди. Уларнинг меҳнати бугунги ғалабага асос бўлди деб ўйлайман ва албатта мураббийларнинг меҳнати ҳам бу ерда ўрни беқиёс.

- 5та ўйинга четлатилган Эргашев, "Бунёдкор" ҳимоясининг асосий "фигура"си ва унинг йўқлиги бугун "қалдирғочлар" учун катта муаммо бўлди. "Сурхон" жамоаси учрашувга тайёргарлик жараёнида Эргашевнинг дисквалификациясини ҳисобга олган ҳолда янги ўйин услуби туздими?

- Ҳа, албатта буни ҳисобга олган эдик. У "Бунёдкор"нинг асосий ўйинчиларидан бири ва унинг йўқлиги рақибимиз учун катта муаммо бўлгандир. Биз учун эса фойда бўлди, чунки биз ғалабага эришдик.

- "Сурхон" жамоаси кутилаётган натижалардан, кўра яхшироқ натижага эришаётганига нима сабаб бўлмоқда?

- Кўп йигитлар ёш. Имконият бердик ва улар бундан яхши фойдаланишмоқда. Таркибимиздаги йигитларда катта тажриба йўқ ва шу сабаб улар миллий чемпионат доирасида ўзини танитишга ҳаракат қилишмоқда. Бизнинг йигитларга кўпчилик қизиқиш билдиришни бошлади. Буларнинг барчаси ўзларининг меҳнати ва бунга лойиқ.

- Азиз Исоқов ҳақида фикр билдириб ўтсангиз?

- Исоқов тиззасидан жароҳат олган эди ва машғулотларга қайтди. Ҳозир тикланиш жараёнини ўтамоқда.

- У қайтганидан сўнг, асосий дарвозабон ким бўлади?

- Қизиқ савол. Ўйлайманки бундай муҳит соғлом рақобатга олиб келади ва шу сабаб футболчиларда ўсиш кузатилади. Натижага эришиш учун рақобат керак, албатта.

- Қизил карточкадан сўнг жамоа ҳисобни сақлаб қолишга ҳаракат қилди. Ушбу ҳолатга фикр билдириб ўтсангиз?

- Қизил карточка ўйинимизга таъсир ўтказди. Четлатишдан сўнг икки чизиқ бўлиб ўйнадик, аслида 10 киши бўлиб бундай ҳаракат қилиш жуда қийин. Ҳужумга ўтаётган вақтда футболчилар кўпроқ масофа босиб ўтиши керак бўлади. Йигитлар намунали ўйин намойиш этишди ва адолатли тарзда ғалаба эришдик.

- Узоқ масофадан келган мухлислар ҳақидаги фикрингиз ва уларнинг бугун ясаган перфоманси ҳақида гапириб ўтсангиз?

- Футболда мухлисларнинг роли катта, улар бизга катта ёрдам беришмоқда. Қаерда ўйнамайлик, улар биз билан ва бу ҳолат албатта қувонарли. Умид қиламанки, уйда ўз стадионимизда ўйнайдиган паллалар келади ва биз уларни ҳали кўп хурсанд қиламиз.

- "Сурхон"нинг стадионидаги ҳолат қандай?

- Бу нарса бизга боғлиқ эмас. Жамоа раҳбарияти стадион бўйича иш олиб бормоқда. Мен мураббийлар штаби вакили сифатида бу ҳолатга аралаша олмайман, лекин ўзимизнинг стадионимизга қайтишимизни сабрсизлик билан кутмоқдаман. Ўйлайманки, Термиздаги биринчи учрашувимизда стадион мухлисларга тўлиб тошади.

Rating: +9   

Comments

championat.asia
< show latest news
Яндекс.Метрика