"Селтик" рекорд мағлубиятсиз сериясини давом эттирмоқда. Ғалабалар сони қанча бўлди?

Чемпионлар лигасининг биринчи турида ПСЖдан учралган йирик мағлубиятдан (0:5) сўнг, Брендан Рожерс жамоаси Шотландия чемпионатининг 6-турида "Росс Каунти"га имконият қолдирмади (4:0). Шундай қилиб, уларнинг Шотландия чемпионати ва Кубогидаги мағлубиятсиз рекорд серияси 55та учрашувга етди.

Сўнгги маротаба "Селтик" Шотландия биринчилигида 2016 йил 11 майда мағлуб бўлган эди. Ўшанда жамоа "Сент-Жонсон"га 1:2 ҳисобида имкониятни бой берган.