“Селтик” “Манчестер Сити” вингерини ижарага олди

Шотландия чемпиони “Селтик” Англиянинг “Манчестер Сити” клуби вингери Патрик Робертсни яна ижарага олди, деб хабар бермоқда шотланд жамоаси расмий сайти.

Робертсни ижара асосида ўз сафида кўриш истагини “Хаддерсфилд” ва “Ницца” жамоалари ҳам билдиришган эди. Лекин англиялик 20 ёшли футболчи якунда “Селтик” вариантини танлади.

Патрик сўнгги бир ярим йилни айнан “Селтик” сафида ижара асосида ўтказган эди. Робертс бу жамоа либосида 60 та учрашувда майдонга тушиб, 17 та гол киритган ва 14 та голли узатмага муаллифлик қилган эди.