Саудия Арабистон футбол федерацияси раҳбари Манчинининг ўйин якунланмасдан майдони тарк этганига муносабат билдирди

“Мураббийнинг ўйин якунланмасдан туриб, майдони тарк этиши жуда хато иш. Биз у билан ушбу воқеа бўйича гаплашиб оламиз. Манчини ўз ҳаракатларини тушунтириб бериши керак ва шундан биз сўнгги қарорни қабул қиламиз”, - деди федерация раҳбари.

Эслатиб ўтамиз, Саудия Арабистони термаси бош мураббийи Роберто Манчини пенальтилар серияси якунланмасдан майдонни тарк этишга қарор қилди. Абдулраҳмон Ғариб саудияликларнинг иккинчи ноаниқ зарбасини амалга оширганидан сўнг, Манчини кийиниш хонасига йўл олди. Шундан сўнг, Хванг Хи Чан сўнгги зарбани аниқ амалга оширди ва Корея Республикасига чорак финал йўлланмасини тақдим этди. Мураббийнинг ҳаракатлари эса кескин муҳокамаларга сабаб бўлди.