Сардор Рашидовнинг отаси: "Ўғлимга "Эспаньол" ва "Атлетик" қизиқиб қолганини билардим"

Ушбу интервьюда Ихтиёр Рашидов ўғлига Испания клублари қизиқиб қолганини маълум қилди.

- Сардор анчадан бери Испания чемпионатини ёқтиради. Буни қарангки, Ла Лигадан "Эспаньол" ва "Атлетик" клубларининг қизиқиб қолгани сизга қандай таъсир ўтказаяпти?
- Тўғри айтдингиз, ўғлим ростдан ҳам Испания чемпионатини ёқтиради. Аслида "Эспаньол" ва "Атлетик"нинг қизиқиб қолганини мен ҳам билардим. Албатта, бундай жамоаларнинг ўғлимга бефарқ эмаслиги мени хурсанд қилаяпти. Лекин бу қачон амалга ошишини вақт кўрсатади. Сардор билан гаплашганимда ҳам мана шундай қизиқишлар бўляпти деб айтиб туради.

Ўғлимнинг "Бунёдкор" клуби билан шартномаси бор ва улар унинг эгасидир, - дейди Ихтиёр Рашидов.