Сардор Рашидов: "Насаф" мухлисларидан узр сўрайман ва уларни тўғри тушунаман"

"Филиппин ва Баҳрайнга қарши ўйинларга тайёргарликлар жуда яхши руҳда ўтмоқда. Эндигина терма жамоа йиғинига қўшилган бўлсамда, футболчилар яхши спорт формада эканлиги кўриниб турибди. Асосий вазифа ва мақсадимиз - мухлисларни хурсанд этиш. Ўйлайманки, буни уддалай оламиз. Гарчи Филиппин ва Баҳрайнга қарши сафардаги ўйинларда йирик ҳисобда ғалаба қозонган бўлсакда, бу нарса бизни хотирамликка берилишимизга сабаб бўла олмайди. Хотиржамликка берилишга ҳаққимиз йўқ. Бу футбол ва футболда ҳамма нарса руй бериши мумкин", - дея терма жамоамизнинг бўлажак ўйинлари олдидан ўз фикрларини билдирди Сардор Рашидов.

"Насаф"га билан бўлган ўйин? Бу баҳсда жуда муҳим ғалабага эришдик. Мени гол урганим баъзи мухлисларга ёқмади. Буни тўғри тушунаман. Уларнинг бундан ранжишга ва мендан норози бўлишга ҳаққилари бор. Бунинг учун қаршилик ишқибозлардан узр сўрайман. Нима қилай, мени ишим шу. Киритган голим ўз жамоамга ёрдам берди ва бундан хурсандман. Мен шунчаки ўз ишимни қилдим. Голни нишонлаганимга келадиган бўлсак, анчадан буён "Ал Жайиш" сафида гол уролмай келаётгандим. Сўнгги бор "Ал Садд"га қарши беллашувда ўз ҳисобимга гол ёзиб қўйгандим. Шу боис, мен учун узоқ кутилган гол ва ўйиннинг сўнгги дақиқаларидаги жамоам учун жуда муҳим бўлган тўпни киритганимдан сўнг, тўғриси, хурсандчилигимни яшира олмадим. Агарда бу кимгадир ёқмаган бўлса, унда ўша ишқибозлардан узр сўрайман. "Насаф"ни ўрганишда мураббийлар мендан маълумот сўрашмади ва ўзлари рақибни ўрганишди. Бевосита ўйинга ҳақида гапирадиган бўлсам, биз "Насаф"га қарши баҳс олдидан ўз чемпионатимизда тур ўйинини ўтказгандик. Жамоада чарчоқ бор эди. Қаршидаги баҳсда бор кучимиз билан ҳаракат қиламиз ва ғалабани кўзлаймиз. "Насаф" жуда кучли ва яхши шаклланган жамоа. Буни "Ал Жайиш" мураббийлари ва футболчилари ҳам жуда яхши билишади.  Қаршидаги учрашувда янада қаттиқроқ тайёргарлик кўрамиз. Мен терма жамоа ўйинларидан сўнг Қатарга йўл олмайман ва шу ердан тўғри Қаршига бораман. "Насаф"нинг кейинги босқичга чиқиш имкониятлари? Ўйлашимча, ҳаммаси "Ал Айн"га қарши ўйинларда ҳал бўлади", - деди Сардор Рашидов.