Сардор Қобулжонов: “Ўйинни соғиндим”
17 jun 2016 12:59
News

Сардор Қобулжонов: “Ўйинни соғиндим”

“Бухоро” — “Нефтчи” жамоалари учрашуви (2:0) якунлангач, бухороликлар дарвозабони, учрашув қаҳрамонларидан бири Сардор Қобулжоновнинг ўйин ҳақидаги фикри билан қизиқдик.

— Бугунги ғалаба билан барча “Бухоро” мухлисларини табриклайман, — дейди С. Қобулжонов. — Учрашув асосан бизнинг устунлигимизда кечди. Аммо “Нефтчи” футболчилари ҳам қарши ҳужумларда бир неча бор яхши вазиятларга эга бўлишди. Яхши ҳамки омад биз томонда бўлди.

Мазкур учрашув мавсумдаги илк ўйиним бўлгани учун ҳам ҳаяжон юқори бўлди. Жароҳатим боис анчадан буён расмий баҳсларда ўйнамаганлигим учун катта ўйинларни соғинган эканман. Қўлдан келганча мураббий ва мухлислар ишончини оқлашга ҳаракат қилдим. Насиб этса кейинги ўйинларда мухлисларни хурсанд этишда давом этамиз.

"Бухоро" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +10