Санжар Рихсибоевдан “покер”
17 jan 2014 15:04
News

Санжар Рихсибоевдан “покер”

Бугун “Бунёдкор” футбол мактаби майдонида ёш “қалдирғочлар” Қозоғистоннинг “Тараз” жамоаси ўринбосарлари билан назорат учрашуви доирасида куч синашишди.

Ўйинни Александр Мочинов шогирдлари катта устунлик билан бошладилар. Жамбулликлар ҳали майдонга мослашиб улгурмасидан Санжар Рихсибоевнинг бир ўзи кетма-кет рақиб дарвозасини ишғол қилиб, ҳисобни 3:0 кўринишига келтириб қўйди. Шундан сўнг “Тараз” ёшлари ўйинида ҳам жонланиш сезилди. Натижада биринчи бўлим охирларида қозоғистонлик футболчилар ҳам тезкор икки тўп киритишиб, танаффусга ҳисобни 3:2 кўринишига қисқартирган ҳолда чиқиб кетишди.

Иккинчи бўлимда жамоалар бир-бирларига муносиб қаршилик кўрсатишди. Ўйин якунланиши арафасида яна ўша Санжар Рихсибоев “Тараз” дарвозасини ишғол қилиб, якуний натижа 4:2 бўлишини таъминлади.

“БУНЁДКОР” – “ТАРАЗ” 4:2 (3:2)
Голлар: Санжар Рисхибоев 4та
“Бунёдкор”: Амир Эргашев, Азизбек Мамазоитов, Рустам Ашурматов, Саиджон Топилов, Акром Комилов, Шохруҳ Шавкатхўжаев, Хуршид Ғиёсов, Темур Аюпов, Достонбек Ҳамдамов, Аҳрор Умаржонов, Санжар Рихсибоев
Захирадан майдонга тушганлар: Зафар Сафоев, Турсун Рахимбердиев, Бахтиёр Содиқ-Охунов, Босит Рихсибоев, Абдуллоҳ Абдулазизов
Бош ҳакам: Аскер Нажафалиев

Link :

Source : fcbunyodkor.com

Receive latest football news directly on your phone. Subscribe for our Telegram channel!

Rating: