Сантуш: "Португалия жаҳоннинг энг яхши жамоаси эмаслигини биламиз"

"Ўйин жуда қийин бўлишини кутгандим. Аммо биз рақибнинг кучсиз томонига эмас, ўзимизнинг кучимизга ишондик. Уэльс - жуда яхши жамоа. Коулман фантастик ишларни бажарди. Йигитларимга нисбатан ҳам шу сўзларни ишлатишим мумкин. Улар Уэльс қаршилигини синдириб, ажойиб голлар ура олишди.

Бизда доимо ўйинга аниқ режа бўлади. Бу ҳимоявий ва ҳужумкор ҳаракатлар билан боғлиқ. Португалия жаҳоннинг энг яхши жамоаси эмаслигини биламиз. Аммо бизда ўзимизнинг кучли томонларимиз бор. Ҳар бир рақибга ўзгача ёндошиш керак. Уэльс аввалги рақибларимиздан анча фарқ қилади. Британияликларда тезкор ҳужумчилар бор. Улар тўп билан катта тезликда ҳаракатланмасликлари керак. Режамиз иш берди деб ўйлайман.

Португалия терма жамоасидаги биринчи ўйиним қандай бўлганини биласизми? Тўғри, "Стад де Франс"да ўйнаган эдик. Ўшанда йигитларга қуйидаги сўзларни айтганман: "Биз икки йилдан сўнг Евро-2016 финалида ўйнаш учун шу ерга қайтишимиз керак". Энди бизда янги мақсад - Европанинг энг яхши жамоасига айланиш. Финалда ғалаба қозонмоқчимиз. Шунчаки иштирокчи бўлиш ниятимиз йўқ" - дейди Сантуш.