Latest news

01:23Суҳроб Иззатов: "Бир метрдан очиқ дарвозага ҳам тўп кирмаяпти"  1 00:54Зоир Жўрабоев: "Суперлигада учта гол урганман ва уларнинг барчаси "Бунёдкор" дарвозасидан ўрин олган"  0 00:39Луис Качорри: "Бугун "Бунёдкор" билан ўз майдонимиздаги сўнгги ўйиним бўлиши мумкин"  0 00:17Одил Ҳамробеков биринчи даврада унга энг кўп қийинчилик туғдирган футболчи кимлигини айтди  0 00:09Клублар ўртасидаги ЖЧ-2025. "Фламенго" - "Бавария" баҳсининг асосий таркиблари маълум қилинди  4 23:48Элдор Мойлиев: "Яккакурашларда ютқазсангиз, ҳеч қанақа тактика ёрдам бермайди"  0 23:33Михаил Еремчук: "Ғалаба учун аввало футболчиларга раҳмат"  2 23:30Суперлига. "Бухоро" ва "Бунёдкор"дан камбэк  1 23:14Иван Бошкович: "Ҳеч кимнинг бошини ёрмоқчи эмасман. Биз бундай ҳолатларга тайёр бўлиб боряпмиз"  3 22:56Клублар ўртасидаги ЖЧ. ПСЖ "Интер Майами"га имконият қолдирмади  168 22:45Илёс Зейтуллаев: "Бундай ажойиб ҳиссиётларни фақатгина футбол бера олади. Носир Абдусаломовни ўтган йилдан бери кузатиб келаман"  2 22:15Осиё Кубоги саралаши. Ўзбекистон аёллар терма жамоаси Шри-Ланкани 10:0 ҳисобида тор-морт этди. Нилуфар Қудратовадан "покер"  1 21:55Суперлига. "Бухоро" камбек амалга ошириб, "Шўртан"ни мағлуб этди   13 21:18Моуриньюга "Манчестер Сити" ҳимоячиси керак  0 20:56"Бунёдкор" суперкамбэк эвазига "Сўғдиёна"ни мағлуб этди  15

Самвел Бабаян: "Иродали ғалаба учун футболчилар ва мухлисларга раҳмат!" News

Самвел Бабаян: "Иродали ғалаба учун футболчилар ва мухлисларга раҳмат!"

Ўзбекистон - КХДР учрашувидан сўнг ташкил этилган матбуот анжуманида Самвел Бабаян иштирок этди.

"Илк дақиқаларданоқ гол ўтказиб юбориб қийин аҳволга тушиб қолгандик. Аммо йигитларга раҳмат айтаман. Улар иродали ғалабани қўлга киритишди. КХДРнинг фалсафасини ўрганиб чиқдик. Ўйиндан олдин шогирдларимга келинглар биз ўз фалсафамизни кўрсатайлик деб режа қилгандик. Улар барчаси уддалашди", - дейди Бабаян.

- Сюрпризлардан бири тезкор паслар бўлди...

- Тезкор гол ўтказгач оғир бўлди. Аммо паслар ва тезкор қарши ҳужумлар натижасида голлар урдик. Уларнинг энг асосий ўйинчиси бу 9-рақамли футболчи эди. У майдонни тарк этгач КХДР деярли имкониятга эга бўлмади.

- Ўйиндан олдин сиз "яширин қуролимиз" бор деб айтгандингиз. Бу нима эди?

- Асосий қуролимиз ўзимизнинг янги услубимиз ҳисобланади. Биз мана шу янги услуб устида ишлашда давом этаяпмиз. Бугун ҳужумда яхши ўйнай олмадик? Биз 3та гол урдик, агар барча вазиятлардан фойдалана олганимизда ҳисоб шармандали бўларди.

- Ислом Тўхтахўжаев ўз клубида марказий ҳимояда ўйнайди, нима учун уни ўнг қанотда ўйнатаяпсиз? Бугун бир неча марта қанотда рақибни ўтказиб юборди.

- Тўхтахўжаев бир марта рақибни ўтказиб юборди. Қолган ҳеч бир вазиятда хатога йўл қўйгани йўқ. У терма жамоанинг ҳозирги услубига мос тушмоқда. Шу боис уни майдонга тушираяпман.

- Мухлислар ташрифи ҳақида нима дея оласиз?

- Аввало стадионга келиб бизни қўллаб турган барча мухлисларга раҳмат айтаман. Бугун ёмғир ёғиши кутилганди. Шунга қарамай келиб стадионни тўлдириб ўтиришгани учун миннатдорчилик билдираман. Бу йигитларга қўшимча куч бағишлади. Ғалабада уларнинг хиссаси жуда катта бўлди.

- Марказий ҳимоячиларга қандай баҳо берасиз?

- Улар айни пайтда Ўзбекистоннинг энг кучли марказий ҳимоячилари ҳисобланишади. Анзур бир неча йиллардан буён терманинг асосий футболчиси ҳисобланади. Кримец эса аста секин терма жамоанинг ҳақиқий қўрғонига айланиб бормоқда.

- Олдинги учта ўйинда Ўзбекистон биринчи бўлиб гол урганди. Бугун эса биринчи бўлиб гол ўтказди. Қайси жамоа сизга ёқди? Ҳисобда ортда қолаётганми ёки биринчи гол урганми?

- Ҳар бир ғалаба жуда қийинчилик билан қўлга киритилди. Ҳисобда ортда қолганда йигитлар икки карра куч билан ўйнаши керак бўлди.

- Сўнгги сўз ўрнида журналистларга мурожаат қилмоқчиман. Жамоамиз кетма-кет 4та ўйинда ғалаба қозонди. Лекин шундай бўлса ҳам орангизда жамоани, футболчиларни танқид қилганлар бўлмоқда. Улар жуда камчиликни ташкил қилади. Тўғри танқид бўлса буни қабул қиламан, лекин жамоани асоссиз танқид қилинса бу тўғри бўлмайди. Барчани ғалаба билан табриклаб қоламан, - дейди Самвел Бабаян. 


Нарзулла Сайдуллаев


Rating: +46   

Comments

championat.asia
< show latest news
Яндекс.Метрика