Салоҳ: "Келаси йил АПЛ бош соврини учун ҳаракат қиламиз"
03 jun 2019 20:40
News

Салоҳ: "Келаси йил АПЛ бош соврини учун ҳаракат қиламиз"

"Ливерпуль"нинг мисрлик юлдузи Муҳаммад Салоҳ Чемпионлар лигасидаги муваффақият келаси мавсум АПЛ чемпионлиги учун курашда қўл келишини айтиб ўтди.

"Бу ғалаба нимадирнинг бошланиши. Кейинги мавсум АПЛ чемпионлиги учун борамиз. Бу Англия чемпионлиги учун курашган биринчи мавсумимиз бўлди. Ўтган йили худди шу воқеа ЕЧЛда бўлганди, ундан олдин Европа лигасида. "Манчестер Сити"га 1 очко эвазига ютқазиб қўйдик. Лекин, улар бунга муносиб эришишди. Келаси йил шу ишни биз қила оламиз.
Жамоанинг ўртача ёши 25-26. Бизда кўплаб ёш футболчилар бор ва бу қувонарли ҳолат. Соврин ютиш буюк тажриба бўлди. Бу бизга кейинги марраларни забт этишимизга ёрдам беради.
Сиз (финалда) кўрдингиз биз анча босиқроқ, кўпроқ тажрибага эга сабрли кўриндик ва 87-дақиқада иккинчи голни урдик. Бу биз ўрганаётганимиз, ўсаётганимизни кўрсатади", - дейди "Ливерпуль"нинг 11-рақам соҳиби.