Сайтда янги юзерлар!

14-18 июль кунлари оралиғида рўйхатдан ўтиш очилди ва бир неча нафар ўқувчилар сайтимиз "юзери"га айландилар. Аммо доим ҳам сайтимизда рўйхатдан ўта олмайсиз. Сабаби, биз бу ерда дўстлик ришталарини тузиш тарафдоримиз. Ҳар куни бир нечта ўқувчиларнинг турли никларда рўйхатдан ўтишлари натижасида келишмовчиликлар ва шунга ўхшаган хунук ҳолатлар келиб чиқиши боис ҳам шу тартибда фаолият олиб борамиз. Натижа эса чакки эмас, жуда кўпчилик аҳил ва иноқ. "Барса" ва "Реал"чилар ҳам йўқ, аниқроғи бор, аммо бизнинг ўқувчилар буни шунчаки бир ўйин эканлигини тушуниб етганлар, ўзларига тегишли бўлмаган кишиларни деб уришмайдилар.

Регистрация очилганидан кейин сайтимизда бир-икки нафар шундай ўқувчилар оралади, лекин биз дарҳол кескин чораларни кўрдик. Сайтни 7 ёшдан 70 ёшгача бўлган аъзолари бор. Кичиклар, доим катталарни ҳурмат қилинг. Футбол ҳаммамиздан қолиб кетадиган спортнинг оддий бир ўйини холос, меҳр-оқибат эса доим керак.

Кеча текшириб чиқсам, сайтда 7000дан зиёд ўқувчи рўйхатдан ўтган. Шулардан 200га яқини қайтиб чиқмайдиган блокда. Демак, 6000 нафардан зиёд ўқувчи фаол ҳолатда, аммо уларнинг 90% фақат хабараларни мутолаа қилади. Баъзан ўз логинини ишлатиб қўядиганлар ҳам анча кўп.

"CA" бир оила, ходимлар, футболчи-ю мураббийлар ва ўқувчилар. Биз шундай бўлиши тарафдоримиз. Илтимос, асабингизни оилангиз учун асранг!