Руни МЮга тавсия берди: "Санчо керак эмас"

"Жейдон Санчо - топ-футболчи, бироқ менга у нима учун МЮнинг асосий нишони бўлаётгани қизиқ. Жамоада у каби футболчилар бор, шу сабабдан 100 миллионни ишлатиб юборишдан маъно йўқ. МЮда Рэшфорд бор, Марсьяль бор. Хўп, Санчо олинди ҳам дейлик, ривожланаётган Гринвуд нима қилади?

Ўша 100 миллионни Харри Кейннинг трансферига ишлатган бўлардим. Ҳа, бу осон иш эмас, бироқ "Юнайтед" таркибида доим энг яхши ҳужумчи ўйнашини истайман. Сульшерга шундай футболчи керак. У ҳақиқий таран ҳужумчи.

Кейн, Холанд, Левандовски ҳам майдонда Рэшфорд ва Марсьяль каби эркин ўйнайди", - деди Руни.