Руни — "Дерби Каунти" бош мураббийи. У футболчилик фаолиятини якунлади

35 ёшли мутахассис билан 2,5 йилга шартнома имзоланди, дея хабар тарқатди клуб расмий сайти.

2020 йилнинг ноябрь ойида Филлип Коку жамоани тарк етгач, Руни вақтинча муддатга ўйновчи-мураббийга айланган эди. Клуб унинг бошқаруви остида 9 та ўйин ўтказиб, 3 ғалаба, 4 дуранг қайд этди ва 2 та учрашувда мағлубиятга учради.

Руни Лиам Росеньор, Шей Гивен ва Жастин Уокердан иборат мураббийлар штабини сақлаб қолишга қарор қилган.

Англия терма жамоасининг собиқ устози Стив Макларен "Дерби Каунти"нинг техник директори вазифасини бажаришда давом этади.

"Дерби" чемпионшипнинг ортда қолган 22 туридан кейин 22-ўринни эгаллаб турибди (19 очко).