Россия. Деян Ловрен гол урган баҳсда "Зенит" "Ростов"ни мағлуб этди

FC Rostov

Premier League . Round 2 15/08/2020, 22:00 2 : 0 Finished

Zenit St. Petersburg Sardar Azmoun - 24', Dejan Lovren - 87'

Stadium: Rostov Arena

45'

90'

3'  Mathias Normann

23'  Evgeny Chernov

74'  Pavel Mamaev (Kento Hashimoto)

74'  Ivelin Popov (Roman Eremenko)

84'  Alexey Kozlov (Khoren Bayramyan)

84'  Eldor Shomurodov (David Toshevski)

1'  Malcom

24'  Sardar Azmoun

24'  Sardar Azmoun

55'  Yaroslav Rakitskiy

70'  Sardar Azmoun

73'  Sebastian Driussi (Danil Krugovoy)

73'  Emiliano Ariel Rigoni (Aleksandr Yerokhin)

78'  Yaroslav Rakitskiy

80'  Malcom (Danila Prokhin)

84'  Sardar Azmoun (Andrey Mostovoy)

87'  Dejan Lovren

87'  Douglas Santos

90'  Wilmar Barrios

Open in Match Center

"Ростов" – "Зенит" 0:2

"Ростов-Арена"

Голлар: 0:1 – 23 Азмун, 0:2 – 87 Ловрен.

"Ростов": Песьяков, Осипенко, Козлов (Байрамян, 85), Чернов, Хаджикадунич, Ионов, Зайнутдинов, Норманн, Попов (Еременко, 74), Мамаев (Хасимото, 74), Шомуродов (Тошевски, 85).

"Зенит": Кержаков, Дуглас Сантос, Ракицкий, Караваев, Ловрен, Оздоев, Барриос, Малком (Прохин, 80), Ригони (Ерохин, 73), Дриусси (Круговой, 73), Азмун (Мостовой, 85).

Огоҳлантиришлар: Малком (1), Норманн (3), Чернов (23), Ракицкий (55), Азмун (70).

Четлатиш: Ракицкий (78).

УЧРАШУВ ЯКУНЛАНДИ!

90+2. Норманн "Зенит" жарима майдончаси яқинида йиқитилди. Стандарт вазият.

90. Учрашув асосий вақтига 4 дақиқа қўшиб берилди.

87. ГОЛ! "Ливерпуль" собиқ ҳимоячиси Ловрен бош билан гол уриб, ҳисобни 0:2 кўринишига келтирди.

85. Ўзгариш: Шомуродов ўрнига Тосевски майдонга тушди.

81. "Ростов" футболчилар сонидаги устунликдан фойдаланиб, рақиб жарима майдончасини қамал қилмоқда. Мезбонлар тиним билмай тўпни Кержаков майдончасига ҳаволатиб узатишмоқда.

80. "Зенит" сафида ўзгариш: Малком ўрнига Прохин майдонга тушди.

78. ҚИЗИЛ КАРТОЧКА! Ракицкий иккинчи сариқ карточкани олиб, майдонни тарк этди.

75. Норманн узоқ масофадан зарба бериб, "Зенит" посбонини синаб кўрди. Дарвозабон Кержаков тўпни эгаллаб олди.

74. "Ростов" сафида икки футболчи алмаштирилди, Хашимото ва Ерёменко ўйинга қўшилди. Шомуродов ҳали майдонда.

72. Футболчилар майдонда яширин жанг уюштиришяпти. Бир вазиятда "Зенит" футболчиси рақибга атайин қўполлик ишлатса, бошқасида "Ростов" футболчиси аламини оляпти.

70. Сариқ карточка. Азмун "Ростов" футболчисига нисбатан қўпол ўйнади.

67. Бурчак зарбасидан сўнг Шомуродов иккинчи қаватдаги курашда ғолиб чиқди, аммо унинг зарбаси дарвоза устидан ўтиб кетди.

63. "Ростов" бироз ўзига келиб қолгандек кўриняпти. Мезбонларнинг ҳужумлари сони сезиларли даражада ортди.

57. Шомуродов "Зенит" жарима майдончасига ташланган тўпни Мамаев учун ютиб берди, аммо Павелнинг зарбаси ноаниқ бўлди.

56. "Зенит" ҳам тезкор қарши ҳужумни амлага оширди, Азмун бир рақибини икки марта алдаб, зарба берди. Ноаниқ.

55. Сариқ карточка. Ракицкий "Ростов"нинг тезкор қарши ҳужумини қўполлик билан тўхтатгани учун жазоланди.

52. "Ростов" иккинчи бўлимни биринчи тайм каби фаол бошлаганди, аммо яна аста-секинлик билан ҳимояга ётмоқда.

50. Попов "Ростов" ҳужумини зарба билан якунлади, аммо бироз ноаниқ.

46. Иккинчи бўлим бошланди.

ТАНАФФУС

45. Биринчи бўлимга 2 дақиқа қўшиб берилди.

42. Малкомдан супер зарба, бироқ яна Песьяков сейв ижро этди.

41. АЗМУУУН! Сардор қулай вазиятни қўлдан чиқарди. Унинг яқин масофадан берган зарбасини Песьяков қайтариб қолди.

37. "Ростов"дан ўта хавфли ҳужум, аммо Мамаев 11 метрлик нуқта ёнидан дарвозани нишонга ола билмади.

30. Малком "Ростов" жарима майдончаси атрофида елиб-югуриб, жамоаси учун вазиятлар яратмоқда. Ҳозирча у "Зенит"нинг энг яхши футболчиси бўлиб турибди.

27. "Зенит" иккинчи голни уришга яқин келди, дастлаб Азмун ҳаводан келган тўпга зарба бера олмади, кейин Оздоев қайтган тўпни дарвозага жойлашда адашди.

24. ГОЛ! Азмуннинг зарбасидан сўнг Песьяков тўпни қайтарди, аммо қайтган тўп Сардорга келиб тушди ва эронлик форвард бу сафар адашмади.

23. "Ростов" дарвозасига пенальти! Ҳакам ВАР такрорий лавҳасини кўрди ва 11 метрлик жарима зарбасини белгилади.

20. "Зенит" "Ростов" дарвозаси олдида тинимсиз ҳужумлар амалга оширмоқда, аммо баъзида омад келмаяпти, баъзида эса ҳимоячилар ҳалал бермоқда.

14. ГОЛ! Ионов Шомуродовнинг пасидан сўнг тўпни рақиб дарвозаси тўрига жойлади, аммо ҳакам офсайд байроқчасини кўтариб бўлган эди.

7. Норманн ўз жарима майдончасига яқин ҳудудда қоида бузди, аммо меҳмонлар стандартдан унумли фойдалана олишмади.

5. Элдор Шомуродов бугун аввалги учрашувларга қараганда анча фаол.

2. Шомуродов 2-дақиқадаёқ ҳисобни очиши мумкин эди, аммо "Зенит" ҳимоячилари ҳужумчимизга ҳалал бериб, тўпни олиб қўйишди.

1. Учрашув бошланди.

- Жамоалар майдонга чиқиб келишмоқда.