Рўзиқул Бердиев: “Сафарда уч очкони қўлга киритдик”
16 jun 2017 07:38
News

Рўзиқул Бердиев: “Сафарда уч очкони қўлга киритдик”

Учрашув якунига етгач, "Насаф" устози Рўзиқул Саъдуллаевич ўйин ҳақидаги фикрлари билан ўртоқлашди.

- Сафарда уч очкони қўлга киритдик, албатта бу биз учун ёқимли. Чунки сафардаги ўйинларимизда очко йўқотаётган эдик. Бугун сафарда ўйнаб, ғалаба қозондик. Бунинг учун йигитларга раҳмат айтаман. Бугун кўрдиларингиз, “Шўртан” жамоаси кўпроқ қарши ҳужумларда ҳаракат қилди. Албатта улар бизнинг ўйинимизни яхши ўрганишган ва билишади. Биз ўз ўйинларимиз билан бари-бир рақиб ҳимоясини хато қилишига эришдик. Ва натижа биз истагандек бўлди. Бугунги ўйинга биз жиддий йўқотишлар билан келган эдик. Албатта бу йўқотишлар бугун билинди. Йигитларга раҳмат, улар бугун ўзларига юклатилган вазифани чиройли адо этишди. Олдимизда "Пахткаор" жамоаси билан бўладиган учрашув кутиб турибди, энди бор эътиборимизни шу ўйинга қаратамиз.