Рўзиқул Бердиев: "Битта хато ва ..."
16 apr 2022 05:05
News

Рўзиқул Бердиев: "Битта хато ва ..."

ОЧЛда 3-тур беллашувлари ўз якунига етди. "E" гуруҳи доирасида Қаршининг "Насаф" жамоаси Саудия Арабистонининг "Ал Файсали" жамоаси билан беллашди ва 0:1 ҳисобида имкониятни бой берди.

Ўйиндан кейинги матбуот анжуманида Рўзиқул Бердиев ўз фикрларини билдириб ўтди.

Nasaf Qarshi

AFC Champions League Grp. E . Round 3

16/04/2022, 02:15

Finished

Al-Faisaly

Julio Tavares - 29'

45'

90'

Open in Match Center

"Битта хатойимиз мағлубиятга олиб келди, шу хато режамизни бузди. Режа бўйича биринчи бўлимни эҳтиёткор ўйнаб дарвозамиз дахлсизлигини сақлаб қолиш керак эди. Афсуски, бундай бўлмади. Ягона хато ва режамиз бузилди.
"Ал Файсали"дан жисмоний томонлама кучлироқ эдик, буни ўйинда ҳам кўрсата олдик. Лекин, 2-бўлимдаги айрим вазиятларда рақиб дарвозабони яхши ҳаракат қилди, баъзида эса омад биздан юз ўгирди".

- Бу жамоа мана учинчи ўйиндирки, ўйин темпини тушириб ўйнаяпти. Яъни, уларни услуби шундай экан. Бугун ҳам битта вазият яратиб гол уришди ва темпни "ўлдиришди". Уларга қарши кейинги ўйинда бу нарсага чора топиш ҳақида ўйлаяпсизми?

- Тўғри таъкидлаб ўтдингиз, улар кўпроқ маҳоратга эътибор қаратиб ўйнашади. Биз буни билардик. Олдинги ўйинларда ҳам худди шундай ўйнаб ғалаба қозонганди. Жуда ҳам тартибли ўйнаб, ўз имкониятларини голга айлантирганди. Бугун ҳам худди шундай бўлди. Баъзи вазиятларда жамоа ётиб олиб вақт чўзди, бироқ улар ғалаба қозонди, бу билан фақат рақибни табриклаш керак.

Биз бу жамоа билан ўйнаб кўрдик ва кейинги ўйинда бошқача ҳаракат қиламиз, умуман ҳамма жамоаларни кучини биламиз. Йигитларга ҳам айтдим ҳамма жамоа билан ўйнай оламиз. Фақат бундан ҳам шиддатлироқ ва кескинроқ ўйнашимиз керак.

- Кеча сиз "Ал Файсали"нинг кучли ва кучсиз томонларини биламан деган эдингиз, ўйиндан кейин қандай фикрга келдингиз?

- Ўйлайманки, "Ал Файсали"нинг ўйини ўзгармайди. Яна шу усулда ўйнайди, фақат ўйинчилар ўзгариши мумкин. Уларда Таварес бор ва унга узун паслар узатиш орқали ўйинни ташкил қилади.

Эслатиб ўтамиз, "Насаф" ва "Ал Файсали" ОЧЛ 4-турида ҳам ўзаро тўқнаш келади. Мазкур баҳс 19 апрель куни тунда 01:15 (Тошкент вақти билан) бўлиб ўтади.