Роналду – энг обрўли спортчи

YouGov тадқиқот маркази дунёдаги энг обрўли инсонлар рейтингини эълон қилди, деб хабар берди Give Me Sport. "Ювентус" ҳужумчиси Криштиану Роналду спортчилар орасида етакчига айланди. У умумий рейтингда 6-ўринни эгаллади.

Спортчилар орасида иккинчи ўриндан "Барселона" ҳужумчиси ва сардори Лионель Месси жой олди. Аргентиналик умумий рейтингда 11-ўринни банд этди. Собиқ баскетболчи Майкл Жордан спортчилар орасида учинчи ўринда қайд этилди ва умумий рейтингда 13-ўринга жойлашди.

Дунёнинг энг обрўли кишилари (Топ-10):

1. Барак Обама (сиёсатчи, АҚШ собиқ президенти);

2. Билл Гейтс (тадбиркор, Microsoft раҳбари);

3. Си Цзинпин (Хитой Президенти);

4. Нарендра Моди (Ҳиндистон Бош вазири);

5. Жеки Чан (актёр);

6. Криштиану Роналду (футболчи);

7. Жек Ма (тадбиркор, Alibaba Group асосчиси);

8. Далай Лама (буддистларнинг диний етакчиси);

9. Илон Маск (тадбиркор, ихтирочи, Tesla ва SpaceX бошлиғи);

10. Киану Ривз (актёр).