“Рома” “Тоттенхэм”га рад жавобини берди

Лондоннинг “Тоттенхэм” клуби Николо Заниоло трансфери юзасидан “Рома”га таклиф билан чиқди. Бироқ римликларга “шпорлар”нинг таклиф маъқул келмаган ва рад этилган.

Қайд этилишича, Заниолонинг хизматларига “Ювентус”дан ҳам жиддий қизиқиш бор. Бироқ “Рома” ўз етакчисини бу мавсум қўйиб юбориш ниятида эмас.

Николонинг “Рома” билан амалдаги келишуви 2024 йилда якунига етади. У ўтган мавсум “бўрилар” сафида 33 та ўйинда қатнашиб, 8 та гол урди ва 3 та ассистни амалга оширди.