"Рома" "Байер" ҳимоячисига эътибор қаратмоқда

"Sky Italy" хабарига кўра, Леверкузеннинг "Байер" клуби ҳимоячиси Венделл Насименту Боржес Римнининг "Рома" клуби қизиқишлари доирасига тушиб қолди. Римликлар раҳбарияти тажрибали Александр Коларовга муносиб ўринбосар изламоқда. Венделл бу ўринга асосий номзод сифатида кўрилмоқда. 

Маълумот учун, 26 ёшли бразилиялик футболчининг "фармацевтлар" билан амалдаги шартномаси 2021 йилнинг ёзида якунланади. У жорий мавсум "Байер" сафида 15 ўйинда майдонга тушиб, ўз ҳисобига 2та голли узатма ёздириб қўйган.