Роббим Ҳасанов: “Омадимиз чопиб ғалаба қозондик”

Наманганликларга қарши ўйинда Ҳасанов фаоллиги билан ажралиб турди. Ўйин якунига етгач, Роббимни ҳам фикрлари билан қизиқдик: - Ўйин ўзинглар гувоҳи бўлганларингдек оғир тарзда ўтди. Ҳар икки жамоа ҳам майдонга фақат ғалаба қозониш иштиёқида тушганлигини намойиш этди. Омадимиз чопиб бугунги учрашувда ютуққа эришдик. “Навбаҳор” жамоаси футболчилари ҳам учрашувда ёмон тарзда ҳаракат қилишмади. Ўтган мавсумда “Навбаҳор”да тўп сурганлигим сабабли жамоа мен учун бегона эмас. Айниқса наманганлик мухлислар ўзгача, мана бугун улар Жиззахга ҳам етиб келиб “Навбаҳор”ни қўллаб-қувватлашди. Фурсатдан фойдаланиб, “Навбаҳор” жамоасига кейинги ўйинларда омад тилайман.