Ривалдо - Мессининг кетиши ҳақида: "2:8дан кейин мияга бундай ҳаёл келиши нормал ҳолат"

"Бу нормал ҳолат. Балки 2:8 ҳисобидан кейин Месси ҳам "Барселона"дан кетишнинг вақти келганини тушунгандир. Бироқ барчасини чуқур ўйлаш керак. Унинг кетиши клубнинг ва жамоанинг ҳолатини беқарорлаштиради.

У ўтган натижадан жуда ҳафа бўлаётганини биламан, Мессининг жамоа учун берган барча нарсасига миннатдорман. Лео ушбу шаҳарга боғланиб қолади. Фаолиятини якунлаганидан кейин у Барселонада яшаб қолса керак.

Месси раҳбарият билан гаплашмасдан, қарорни бир ўзи қабул қилиши керак. Клуб ва Месси ўртасидаги узоқ йиллик ҳамкорлик ажойиб давом этди. Бундан хурсандман", - деди Ривалдо.