Рибери икки бор қанот ҳакамини итариб юборди. Уни узоқ дисквалификация кутмоқда

Футболчи А Серия 9-тур доирасидаги "Лацио" (1:2)га қарши ўйинда ён ҳакамни икки бор итариб юборгани учун дисквалификация кутмоқда.

Франциялик ўйиннинг 75-дақиқасида алмаштирилган эди, аммо финал ҳуштаги чалинганидан сўнг ҳакамга нисбатан қилган қўполлиги учун қизил карточка олган эди.

Флоренцияликлар 89-дақиқадаги пенальти сабаб "Лацио"га имкониятни бой беришди.

Эслатиб ўтамиз, 36 ёшли Рибери жорий мавсум А Серияда 9та ўйинда майдонга тушиб, 2та гол ва 2та ассистга эришган.