"Реал" яқин икки ҳафта ичида Мбаппени сотиб олмоқчи

Маълумотларга кўра, Мадрид клуби трансферни ЛаЛига стартигача, яқин икки ҳафта ичида якунига етказмоқчи. Бироқ на Мбаппе ва на ПСЖ "Реал"га сўнгги нархни айтишмаган, шу сабабли "Қироллик клуби" ушбу харид устида фаол ҳаракат қилишмаяпти.

Манбаларнинг хабар беришича, "Реал" келишувни амалга оширишга тайёр. Клубдагилар трансфер учун 200 млн. евродан кўпроқ маблағ кетишини яхши тушунишмоқда.

Мадрид клуби Мбаппега 2029 йилгача бўлган битим таклиф қилмоқчи. "Реал"дагилар янги "Сантьяго Бернабеу"ни Мбаппе ва Беллингем каби юлдуз футболчилар билан очишни режа қилишмоқда.

Айни дамда Карло Анчелотти қўл остида битта "тоза" ҳужумчи бор - Хоселу. "Реал"даги 9-рақам ҳеч кимга берилмаган.

Олдинроқ, ПСЖ Килиан учун 250 млн. евро талаб қилиши эълон қилинган эди.