Равшан Ҳайдаров: "Пахтакор" футболчиларининг бефарқлиги мени ўйлантирмоқда"

"Ҳисоб барчасини айтиб турибди. Бугун "Шўртан" биздан кучли ўйин кўрсатиб ғалабага эришди. Афсуски бизда жуда кўп муаммолар бор. Ички муҳит, жамоа руҳи, таркибимиз бўйича муаммолар мавжуд. Энг асосийси футболчиларимизда қандайдир бефарқлик ҳукм сурмоқда. Шу нарса мени ўйлантирмоқда.

Учрашув бошида кўплаб вазиятларни голга айлантира олмадик. Бунда Элдор Тожибоевнинг маҳоратини ҳам таъкидлаб ўтиш лозим. Шогирдларим ҳимоя ва ярим ҳимояда қўпол хатоларга йўл қўйишди. Қарши ҳужумларда рақиб бизни жазолади.

Терма жамоа эшиклари барча учун очиқ. Ўз клубида яхши ўйин кўрсатса албатта терма жамоа мураббийлари унга эътибор қаратишади.

Кейинги ўйинимиз "Локомотив"га қарши бўлади. "Шўртан" билан баҳс энди тарихга айланди. Бугунги учрашувни таҳлил қилиб, унутиб "темирйўлчилар" билан баҳсга тайёргарликни бошлашимиз керак", - дейди Равшан Ҳайдаров.

"Шўртан" матбуот хизмати