Равшан Ҳайдаров: "Бу ўйинни унутиб кейинги турга тайёргарлик кўриш керак"

Учрашувдан сўнг ташкил этилган матбуот анжуманида Равшан Ҳайдаров ўз фикрларини билдирди. Бу ҳақда ЎФФ расмий твиттери хабар берди.

"БАА билан ўйинда бизда ҳисобни ошириш учун бир қанча имкониятлар бўлди, лекин афсуски, бунга эриша олмадик. БААга қарши ўйиндаги ғалаба бой берилганини унутиш орқали кейинги турга тайёргарлик кўриш керак. Австралия билан ўйинга тайёргарлик ўз маромида давом этади. Бу дурангни эсдан чиқариб, янги кайфият билан тайёрланамиз! Биринчи навбатда руҳан тушмаслик муҳим. Жисмоний тайёргарликни эса дастур асосида олиб борамиз. Ҳамробековга келсак, унинг аҳволи яхшиланиб бораяпти. 3-тургача тузалиб қолиши керак, яна кўрамиз", - дейди Равшан Ҳайдаров.


ЎФФ матбуот хизмати