Рауф Инилеев: "Сурияни мағлубиятга учрата олишимизга ишонаман"
01 sep 2016 12:41
News

Рауф Инилеев: "Сурияни мағлубиятга учрата олишимизга ишонаман"

Ўзбекистон - Сурия учрашувидан олдин таниқли мутахассис, 2007 йил Осиёнинг энг яхши мураббийи деб топилган Рауф Инилеев ўз фикрларини билдирди.

- Терма жамоамиз учинчи саралаш босқичини ғалаба билан бошлашини жуда хоҳлаймиз. Ўйинларни муваффақиятли давом эттириш, биринчи турни қандай бошлашга боғлиқ бўлади. Ўйинлар тақвими биз учун ёмон келгани йўқ. Тўғри, уйда ўйнаш ҳам осон эмас. Биринчи навбатда босим юқори бўлади. Лекин бугунги кунда таркибимиз кучли ва улар босимга дош бера олишади деган умиддаман. Сурияни мағлубиятга учрата олишимизга ишонаман.

Сурияни қайсидир маънода "сирли тулпор" ҳам дейиш мумкин. Бошқа томондан олиб қараганда, Сурияда қандай вазият ҳукм сураётгани барчага яхши маълум. Ироқ терма жамоаси 2007 йил шундай вазиятда бўлиб якунда матноат кўрсатиб Осиё кубогида чемпион бўлганди. Сурия ҳам бугунги кунда шундай вазиятда. Бу жамоа 3-босқичга ўз-ўзидан чиқиб қолмаган, - дейди Рауф Инилеев "Футбол Экспресс" газетасига.

Link :

Source : championat.asia

Receive latest football news directly on your phone. Subscribe for our Telegram channel!

Rating: +10