Расмий хабар: Иван Бубало "Бунёдкор"дан кетди
15 mar 2024 17:57
News

Расмий хабар: Иван Бубало "Бунёдкор"дан кетди

"Бунёдкор" мураббийлар штабида ўзгариш рўй берди.

Ўзаро келишувга кўра, хорватиялик мутахассис Иван Бубало ва унинг мураббийлар штабидаги ёрдамчилари билан тузилган шартнома бекор қилинди. “Бунёдкор” футбол клуби раҳбарияти Иван Бубало ва унинг ёрдамчиларига миннатдорчилик билдиради ва мураббийлик фаолиятига омад тилайди!

Маълумки, “Бунёдкор” 17 март куни Суперлиганинг 3-тури доирасида “Навбаҳор”га қарши майдонга тушади. “Қалдирғочларимиз”ни мазкур беллашувга шу кунга қадар мураббийлар штабида Иван Бубалога ёрдам бериб келган Анвар Ғофуров тайёрлайди. Анвар Хусаинович бош мураббий вазифасини вақтинча бажарувчи лавозимида фаолият юритади.

Эслатиб ўтамиз, Championat.asia сайти 13 март куни Иван Бубало ишдан кетганини эълон қилганди. Бироқ ўша куниёқ "Бунёдкор" мураббий ишдан кетмаганини маълум қилганди.

Link :

Source : fcbunyodkor.com

Receive latest football news directly on your phone. Subscribe for our Telegram channel!

Rating: +4