Расман: МЮ 62,5 млн фунтлик трансферни эълон қилди

Битим тафсилотлари маълум қилинмади, бироқ Кунья 2031 йилгача узайтириш имконияти билан 2030 йилгача шартнома имзолаши ҳақида маълумот тарқалди.

МЮ Куньянинг трансфери учун учта транш орқали 62,5 млн фунт тўлайди, деб хабар бермоқда журналист Бен Жейкобс.

"Манчестер Юнайтед"нинг аниқлик киритишича, "Вулверхэмптон" билан келишувга эришилган, "Атлетико" собиқ ҳужумчиси билан битим тузиш эса виза ва рўйхатдан ўтишга боғлиқ.

Кунья Бразилия терма жамоаси қароргоҳидан қайтгач, якуний келишув амалга ошиши кутилмоқда.