Расман: "Лестер" ҳужумчиси Шинжи Оказаки Ла Лига клубига ўтди

Шинжи "Малага" билан 1 йиллик шартномага имзо чеккан. Бу ҳақда испан клуби "Twitter" саҳифаси хабар бермоқда.

Футболчи фаолиятини "Симизу С-Палс" клубида бошлаган. У "Лестер"га қадар "Штутгарт" ва "Майнц 05" клубларида ўйнаган.

Оказаки 2008 йилдан буён Япония терма жамоасида ўйнаб келмоқда.

Қайд этиш керакки, япониялик футболчи якунланган мавсум "Лестер" сафида 21та ўйинда майдонга тушиб, 1та ассистга эришган.