Қозоғистоннинг Ўзбекистонга қарши ўйинлар учун таркиби

Ҳар икки баҳс ҳам Нур-Султон шаҳрида бўлиб ўтади. Бироз аввал Баҳодир Аҳмедов бошчилигидаги терма жамоамизнинг таркибини чоп этган эдик.

Ўзбекистон футзал терма жамоасининг Қозоғистонга кетган таркиби

Энди эса рақибларнинг таркибини ҳам тақдим этамиз. Бош мураббий Рикардо Кака Қозоғистон терма жамоасининг Ўзбекистонга қарши ўйинлари учун 14 нафар футзалчини жалб қилган.

Қозоғистон терма жамоасининг Ўзбекистонга қарши таркиби:

Дарвозабонлар: Игита ("Кайрат"), Рауан Атантаев ("Нур-Султон"); 

Ўйинчилар: Биржан Оразов, Чингиз Есенаманов, Альберт Акбаликов, Дуглас (ҳаммаси – "Кайрат"), Тайнан ("Эль-Посо", Испания), Арнольд Кнауб ("Динамо Самара", Россия), Нурбек Карагулов ("Актобе"), Жомарт Токаев, Болат Сарбасов (иккиси - "Атирау"), Ерсултон Сагиндиков ("Байтерек"), Ринат Турегазин ("Аят"), Газиз Нагашибай ("Рахмет").

Таркибдагилардан Ерсултон Сагиндиков, Ринат Турегазин ва Газиз Нагашибайлар шу йилнинг 12 сентябрь - 3 октябрь кунлари Литва мамлакатида ўтказилган футзал бўйича Жаҳон чемпионатида қатнашмаган. Қўшниларимиз ЖЧ-2021да тўртинчи ўринни қўлга киритишган эди.

Эслатиб ўтамиз, Қозоғистон ва Ўзбекистон терма жамоалари ўртасидаги ҳар иккала ўртоқлик ўйини Жаксилик Ушкемпиров номидаги яккакураш саройи (Нур-Султон)да бўлиб ўтади.