Қозоғистон ва Ўзбекистон ўртасидаги ўйинларга чипталар нархи қанча?

Ҳар икки баҳс ҳам Нур-Султон шаҳрида бўлиб ўтади.

Ўзбекистон футзал терма жамоасининг Қозоғистонга кетган таркиби

Қозоғистоннинг Ўзбекистонга қарши ўйинлар учун таркиби

Қозоҳистон футбол Федерацияси 29 ноябрдан ушбу ўйинлар учун чипталарнинг онлайн сотувини йўлга қўйган. Ҳар иккала ўйин ҳам Тошкент вақти билан 18:00да старт олади.

Қозоғистон - Ўзбекистон баҳсига кириш чипта нархи 25 минг сўмдан 50 минг сўмгача (1000 тенгедан 2000 тенгегача). 5 ёшгача бўлган болаларга кириш бепул. Чипталарни фақатгина zakazbiletov.kz сайти орқали онлайн сотиб олиш мумкин. Арена кассаларида чипталар сотилмайди.

Санитар-эпидемиологик нормалар талабларига кўра, Жаксилик Ушкемпиров номидаги яккакураш саройига умумий сиғимнинг фақат 50 фоизига чипта сотишга рухсат берилган. Ҳар бир ўйинга 1300 тадан чипта сотувга чиқарилган. Бу ҳақда Қозоғистон футбол Федерацияси матбуот хизмати хабар берди.

Аренага киришда ва трибуналарда тиббий ниқоб тақиш ва ижтимоий масофа сақлаш талаб этилади.

Эслатиб ўтамиз, Қозоғистон ва Ўзбекистон терма жамоалари ўртасидаги ҳар иккала ўртоқлик ўйини Жаксилик Ушкемпиров номидаги яккакураш саройи (Нур-Султон)да бўлиб ўтади.