"Қўқон-1912": "Қизилқум" мағлубиятга учратилди

Учрашув ўртоклиқ мақомига эга бўлганлиги сабабли ҳар икки жамоа мураббийлари ўз ихтиёрларидаги барча футболчиларни майдонга туширишга ҳаракат қилишди. Қизикарли ўтган ўйин қўқонликларнинг устунликлари остида ўтди. Бу устунлик ҳисобда ҳам ўз аксини топди.

Қўқонликлар сафида иккинчи бўлимдан бошлаб майдонда ҳаракат қилган ҳимоячи Илья Ильин ҳужумда ҳам ўйнай олишини кўрсатиб қўйди. Истеъдодли футболчи ўйиннинг 73 ва 77-дақиқаларида икки бор "Қизилқум" дарвозасини ишғол қилди. У ҳар икки голни боши билан дарвозага жойлаб қўйди. Навоийликлар таркибида тўпурар ҳужумчи Бахриддин Ваҳобов бугун миллий терма жамоа йиғинида бўлганлиги сабабли ўйинда қатнаша олмади. Қолган ҳужумчилар эса "Қўқон" дарвозасига йул топа олишмади ва ўйин 2:0 ҳисобида якунига етди.

Шунинг билан "Қўқон-1912" жамоасининг Қизилтоғдаги йиғини ўз якунига етди. Жамоа аъзолари эртага тиббий кўрикдан ўтишади. Навбатдаги йиғин эса 26 июлдан Қўқонда бошланади.
 
"Қўқон-1912" - "Қизилқум" 2:0
Ҳакамлар: Р.Лутфуллин, С.Улфатов, Х.Уралов.
Голлар: Илья Ильин 73, 77
"Қўқон-1912": А. Ашуров, Ж.Кимсанов, И.Голбан, О.Нурбоев, А.Киров, Ҳ.Эргашев, А.Николаев, С.Қобилов, М.Зокиржонов, А.Тўхтабоев, Н.Отақўзиев.
Захира: А.Бакланов, Р.Матниёзов, И.Комилов, Ш.Холматов, Н.Қўзибоев, С.Эминов, И.Ильин, Ф.Ҳасанбоев, Ф.Бобоқулов.
"Қизилқум": Э.Жабборов, Ф.Ҳайдаров, А.Рустамов, В.Шевченко, Р.Санаев, М.Қурбонов, Ш.Жўраев, А.Муҳиддинов, А.Деркач, Г.Квесивешвили, А.Усмонов.
Захира: А.Макосян, Д.Ҳамроев, Т.Дадашев, Ф.Қамбаров, Ғ.Жумаев, С.Холматов, Б.Мамиров, Н.Рахматуллаев, Б.Искандаров.


Акрамжон Мамадалиев.