"Қўқон-1912": “Бунёдкор” биз гол ура олмаган ягона жамоа"
27 nov 2015 08:16
News

"Қўқон-1912": “Бунёдкор” биз гол ура олмаган ягона жамоа"

Tags : Қўқон-1912

Якунланган мавсум ҳақидаги мақолаларимизни давом эттирамиз. Бу галги мавзумиз ҳам голларга бағишланади.

Кеча ким нечга тўп киритгани хусусида тўхталиб ўтгандик. Бугун эса қайси жамоага нечта тўп киритганимиз тўғрисида сўз юритамиз.

Футболчиларимиз энг кўп голни Самарқанднинг “Динамо” дарвозасига киритишган. Аниқроғи, иккита ўйинда вакилларимиз тўрт марта самарқандликлар посбонларини ранжитишган. Биринчи ўйинда 1:0 иккинчи ўйинда 3:1. Шунингдек, Ғузорнинг “Шўртан” жамоаси дарвозасига ҳам худди шунча тўп киритилган. Биринчи ўйинда 2:1, иккинчи ўйинда 2:2. Голарнинг биттаси ғузорликлар ҳимоячиси Шерзод Шариповга тегишли. Биринчи даврадаги баҳсда Шарипов ўз даровозасини ишғол этиб қўйган. Айтганча, Ғузордаги баҳсда ҳам автогол кузатилган. Бу ўйинда жамоамиз вакили Суҳроб Қобилов автогол соҳиби бўлган.

“Пахтакор”, “Металлург” жамоалари бизга қарши кечган ўйинлардан ўз дарвозаларидан уч мартадан тўп ўтказиб юборишган.

“Машъал”, “Бухоро”, “Андижон”, “Локомотив”, “Қизилқум”, “Нефтчи” ва “Сўғдиёна” жамоалари посбонларини футболчиларимиз икки мартадан “хафа” қилишган.

“Насаф”, “Олмалиқ”, “Навбаҳор” жамоалари дарвозаларига бир мартадан йўл топганиз.

Якунига етган мавсумда ҳар икки ўйинда ҳам “Бунёдкор” дарвозасини ишғол эта олмаганмиз. “Қалдирғочлар” биз гол ура олмаган ягона жамоа бўлиб турибди.

Кимга нечта тўп киритганмиз:

Жамоа	Голлар сони	Биринчи давра	Иккинчи давра
Динамо	4	1:0	3:1
Шўртан	4	2:1	2:2
Пахтакор	3	2:2	1:4
Металлург	3	1:2	2:1
Машъал	2	0:3	2:1
Бухоро	2	2:1	0:2
Андижон	2	0:0	2:1
Локомотив	2	0:1	2:2
Қизилқум	2	1:3	1:0
Нефтчи	2	1:2	1:0
Сўғдиёна	2	1:2	1:3
Насаф	1	0:3	1:3
Навбаҳор	1	0:1	1:2
Олмалиқ	1	1:2	0:1
Бунёдкор	0	0:1	0:5