"Қизилқум" жамоаси Туркияда машғулотларни бошлади

Кунига икки маротаба машғулотлар уюштирилмоқда.

Сидедаги Emerhon palase меҳмонхонасига қарашли спорт мажмуасида 19 февраль куни илк машғулотлар ўтказилди. Унда йигирма уч нафар футболчи иштирок этди. Машғулотларни бош мураббий Юрий Лукин ва мураббий Акмал Холиқовлар олиб боришмоқда.

Куннинг биринчи ярмида асосий эътибор енгил югуриш, чигалёзди машғулотларига қаратилди. Сўнгра жамоа аъзолари икки таркибга бўлинган ҳолда ўзаро тўп сурдилар.

Анталия ўқув-машғулот йиғинида қатанашаётган жамоа аъзолари билан танишинг:

Дарвозабонлар — Артём Макосин, Эркин Жабборов.

Ҳимоячилар — Асқаржон Муҳиддинов, Файзулло Қамбаров, Азизбек Усмонов, Бобуржон Искандаров, Акмал Рустамов, Миржалол Қурбонов.

Ярим ҳимоячилар — Сарваржон Холматов, Фарруҳ Ҳайдаров, Алишер Саноев, Андрей Деркач, Ғайрат Жумаев, Жамшид Шоҳназаров, Руслан Санаев.

Ҳужумчилар — Алишер Холиқов, Вячеслав Шевченко, Алишер Азизов, Нодиржон Шахобиддинов, Бобур Маъмиров, Хуршид Йўлдошев, Баҳриддин Ваҳобов, Феруз Бобоқулов.

"Қизилқум"нинг моҳир ярим ҳимоячиси Шерали Жўраев эса маълум сабабларга кўра, ҳозирда жамоа билан бирга эмас. Бир неча кундан сўнг, Шералининг Анталияга етиб келиши кутилмоқда.

Эслатиб ўтамиз, кончилар йиғин доирасидаги дастлабки ўртоқлик учрашувини 20 февраль куни ўтказади. Россия премьер лигаси вакили "Ростов" жамоасига қарши кечадиган мазкур баҳс Тошкент вақти билан соат 20.00 да бошланади.