"Қизилқум" билан янги марраларни забт этмоқчи бўлган Ҳасан Рўзиев 3 ойдан сўнг клубни тарк этди. Актамов эса клубда қолди

6 март куни Ҳасан Рўзиев Навоийнинг “Қизилқум” клуби президенти этиб тайинланган эди.

“Навоийлик мухлислар футболни севишади ва қадрлашади. “Қизилқум” билан янги марраларни забт этамиз. Клуб ўзига хос тарихга эга. Бутун жамоа бир ёқадан бош чиқариб, мақсадларни бирлаштирган ҳолда, бир тан-у бир жон бўлиб, жамоамизни, вилоят футболини олға етаклашимиз лозим, зеро ҳамжиҳатликда бу натижага эриша оламиз” – деган эди Ҳасан Рўзиев 6 март куни.

Шу йилнинг 5 январь куни Рўзиев "Сурхон" клуби директори этиб тайинланган эди. Ушбу лавозимда икки ой ишлаб "Қизилқум"га кўчиб ўтганди.

Бир неча йиллардан буён "Қизилқум"да ишлаб келаётган ва клубни тарк этиши ҳақида хабарлар чиққан Ҳамиджон Актамов эса клубда қолди.