ЧЛ. Месси гол урган баҳсда ПСЖ "Сити"ни мағлуб этди

Paris Saint-Germain Idrissa Gana Gueye - 8', Lionel Messi - 74'

Champions League Grp. A . Round 2 29/09/2021, 01:00 0 : 2 Finished

Manchester City

Stadium: Parc des Princes, 37350 spectators

Referee: Carlos del Cerro

45'

90'

8'  Idrissa Gana Gueye

74'  Lionel Messi

74'  Kylian Mbappe

77'  Marco Verratti

78'  Marco Verratti (Georginio Wijnaldum)

90'  Idrissa Gana Gueye (Danilo Pereira)

24'  Joao Cancelo

39'  Kevin De Bruyne

68'  Jack Grealish (Phil Foden)

78'  Raheem Sterling (Gabriel Jesus)

Open in Match Center

ПСЖ – "Манчестер Сити" 2:0

"Парк де Пренс"

Голлар: 1:0 – 8 Гуйе, 2:0 – 74 Месси.

ПСЖ – Доннарумма, Хакими, Маркиньос, Кимпембе, Мендеш, Эррера, Гуйе (Данилу Перейра, 90), Верратти (Вейналдум, 78), Месси, Неймар, Мбаппе.

"Манчестер Сити" – Эдерсон, Уокер, Лапорт, Рубен Диаш, Жоау Канселу, де Брюйне, Бернарду Силва, Родри, Грилиш (Фоден, 68), Стерлинг (Габриэл Жезус, 78), Марез.

Огоҳлантиришлар: Жоау Канселу (24), де Брюйне (39), Верратти (77).

УЧРАШУВ ЯКУНЛАНДИ!

90+4. "Сити" баҳсга қўшиб берилган сўнгги дақиқада стандарт ишлаб олди. Аммо Марезнинг кучли зарбасидан сўнг тўп дарвоза устидан ўтиб кетди.

90. Учрашувнинг асосий вақтига 4 дақиқа қўшиб берилди.

82. Неймар тезкор қарши ҳужум ташкил қилиши мумкин эди, аммо жамоадошининг узатмаси ноаниқ бўлди.

78. Вератти ўрнига Вейналдум майдонга тушди.

74. ГОООООООЛ! МЕССИ! Лео қайтди! Аргентиналик ҳужумчи ўз услубида ўнг қанотдан ҳужум ташкил қилиб, марказроққа сурилди ва тўпни Мбаппега узатди. Килиан эса тўпни аргентиналикка қайтарди. Месси чап оёғи билан ажойиб зарба ижро этди ва тўп дарвоза тўридан жой олди.

67. "Сити"нинг тинимсиз паслар орқали ташкил этилган ҳужуми офсайд билан якун топди.

65. НЕЙМААААР! Бразилиялик форвард ҳимоячилардан қочиб кетди, аммо зарба беришга чоғланганда унга Уокер ҳалал берди ва Неймарнинг зарбаси ноаниқ чиқди.

60. ПСЖ "Сити" футболчиларини ўз жарима майдончаси олдидан узоқлаштира олмаяпти. Ҳужумлар ҳам хавфли кўриниш олмоқда.

49. Тўп назорати ҳали ҳам "Сити"да. ПСЖ дастлабки 20 дақиқадан сўнг иккинчи рақамли жамоага айланиб олди.

47. Стерлинг дарвозани ишғол қила олмади. У берган зарбадан сўнг тўп дарвозага эмас, бурчак байроқчаси томонга кетди.

46. Жамоалар майдонга қайтишди ва иккинчи бўлим бошланди.

ТАНАФФУС!

45. Биринчи бўлимга 4 дақиқа қўшиб берилди.

43. ДИАШ! Рубеннинг бош билан ижро этган зарбасидан сўнг Доннарумма тўпни бир амаллаб қайтариб қолди.

38. ЭРРЕРА! Килиан Мбаппе ҳимоячилардан қочиб кетди, аммо у тўпни дарвозага йўлламади ва орқароқда очилаётган Андер Эррерага узатди. Испаниялик эса аниқ зарба ижро этди, шунга қарамай Эдерсон тўпни қайтаришга муваффақ бўлди.

36. Де Брюйнедан аниқ, аммо кучсиз зарба. Доннарумма тўпни эгаллаб олди.

33. "Сити"нинг ҳужумлари борган сари хавфли тусга кирмоқда, аммо уларни якунлашда аниқлик етишмаяпти.

26. ДАҲШАТ! "Манчестер Сити" ташкил қилган ажойиб ҳужум мўжиза туфайли голга айланмай қолди... Бир сония ичида Стерлинг ва Бернарду Силва устун ва тўсинни нишонга олишди. 

22. Месси рақиб майдонида ҳужумларни янада ҳаяжонлироқ кўринишга келтирмоқчи бўляпти, бироқ унинг ҳаяжони туфайли паслар идеал чиқмаяпти.

21. Канселудан ажойиб узатмааа... Нуну Мендеш рақибнинг хавфли вазиятини йўққа чиқарди.

19. Тўп назорати энди "Манчестер Сити" томонга ўтди. Мезбонлар эса ўз жарима майдончаси атрофига тўпланиб, дарвозани ҳимоя қилишмоқда.

15. Неймар ҳимоя чизиғига ёрдам бериш мақсадида, ўз жарима майдончасига яқин ҳудудда алдамчи ҳаракатларини ишга солмоқда, аммо бу ҳаракатлар кўпинча жамоа зарарига ишлаяпти.

11. Голдан кейин ҳам тўп назорати ПСЖда ва "Сити" жавоб ҳужумини уюштира олмаяпти.

8. ГОООООЛ! ПСЖ ҳисобни очди! Париж клубининг биринчи жиддий ҳужуми гол билан якун топди. Мбаппе қанотдан узатган тўпга марказда Неймар зарба бериши керак эди, аммо у зарбани уддалай олмади ва тўп Гейега келиб тушди. Мезбон жамоа вакили зарбада адашмади ва ўйиндаги тезкор голга муаллифлик қилди.

7. Ҳозирча футболчиларнинг индивидуал маҳорати туфайли тўп кўпроқ ПСЖда бўлиб турибди.

4. Неймар рақиб жамоа футболчиларининг босими туфайли ўз дарвозасига яқин ҳудудда тўпни аутга чиқариб юборди.

2. Де Брюйне жарима зарбасидан тўпни рақиб 16лигига ташлаб берди, аммо мезбон жамоа ҳимоячилари тўпни қайтариб юборишди.

1. Учрашув бошланди.

ПСЖ: Доннарумма, Хакими, Кимпембе, Маркиньос, Мендеш, Гейе, Эррера, Верратти, Мбаппе, Месси, Неймар.

Захира: Навас, Летелье, Паредес, Икарди, Данилу, Дагба, Вейналдум, Кюрзава, Диалло, Дракслер, Керер, Эбимбе.

"Манчестер Сити": Эдерсон, Уокер, Диаш, Лапорт, Канселу, Родри, Де Брёйне, Силва, Марез, Стерлинг, Грилиш.

Захира: Стеффен, Карсон, Стоунз, Аке, Жезус, Торрес, Фернандиньо, Фоден, Макати, Уилсон-Эсбранд.