Про лигада бугун қандай учрашувлар бор? Қўқонга катта футбол қайтмоқда, Евстафеев "Шўртан" билан, Ғофуров "Навбаҳор-фарм" билан жангга тайёр

Kokand-1912 Sanat Shikhov - 68'

PRO liga. Round 2 22/03/2023, 16:00 0 : 1 Finished

Mashal

45'

90'

68'  Sanat Shikhov

73'  Shota Gvazava

Open in Match Center

"Қўқон-1912" - "Машъал"

— Ниҳоят "Қўқон-1912" жамоаси бир йиллик танаффусдан сўнг ўз майдонига қайтди. Жамоа бугун янги кўринишга келган ўз майдонида "Машъал"ни қабул қилади. Сўнгги бор мазкур аренада мезбонлар 2021 йил Суперлига 25-тури доирасида ОКМКга қарши майдонга чиққан эди. Прожектор муаммоси сабаб жамоа ўтган мавсумни Яйпанда ўтказишга мажбур бўлди. "Шунқорлар" шу кунгача "газчилар" билан фақат Суперлига ва кубок баҳсларида тўқнаш келишган. Бу борада кичик устунлик муборакликлар томонида. Аммо жамоалар ўртасидаги сўнгги 5та учрашувда қўқонликлар рақибига фақат бир маротаба енгилганини кўришимиз мумкин. "Машъал" 2017 йилдан бери "Қўқон-1912"ни мағлуб эта олмаяпти. 

16.09.2017. "Қўқон-1912" - "Машъал" 2:4

01.07.2020. "Қўқон-1912" - "Машъал" 2:0

22.10.2020. "Машъал" -  "Қўқон-1912" 1:2

09.01.2021. "Машъал" -  "Қўқон-1912" 0:2

14.09.2021. "Қўқон-1912" - "Машъал" 2:2

Жамоалар охирги маротаба ўтган мавсум Ўзбекистон кубоги гуруҳ босқичид учрашишган. Унда Даврон Файзиев шогирдлари 4:0 ҳисобида ғалаба қозонган. 

Khorazm Shakhzod Beshimov - 61'

PRO liga. Round 2 22/03/2023, 16:30 0 : 1 Finished

Navbakhor-Farm

45'

90'

61'  Shakhzod Beshimov

Open in Match Center

"Хоразм" - "Навбаҳор-фарм"

— "Хоразм" ўтган мавсумдаёқ Про лигада барча жамоаларга "бош оғриқ" бўлишга улгурди. Лекин Руслан Аҳмедов шогирдлари биринчи турда кичик сенсация қайд этди, дея оламиз. Лига дебютанти "Юниред" Самарқандда "Хоразм"ни 1:0 ҳисобида таслим қилиб ўзига ҳос сюрпириз тақдим қилди. "Хоразм" қишки трансферлар вақтида Саҳоб Рашидов, Сирож Мелиев, Жаҳонгир Аҳмадов, Тўлқин Эргашев каби футболчиларни қўшиб олди. Бугун ўз мухлислари қаршисида ғалаба учун борини бериши шубҳасиз. Биринчи лигада чемпион сифатида Про лигага чиққан "Навбаҳор-фарм"ни собиқ футболчи Рашид Ғофуров бошқармоқда. Мураббийнинг бир неча йиллар олдин Наманганнинг бош жамоасида ишлари кўнгилдагидек кечмаганди. Эндиликда Рашид Ғофуров "Навбаҳор-фарм" билан муваффақият қозониш мақсадида олдинга интилмоқда. Жамоа биринчи турда "Арал" билан 0:0 ҳисобида дурангга имзо чекди. 

Gijduvan Муслим Курбонов - 77'

PRO liga. Round 2 22/03/2023, 17:00 2 : 1 Finished

Shurtan Bekzod Suvonov - 13', Asadbek Samariddinov - 89'

45'

90'

77'  Муслим Курбонов

82'  Akbar Murodov

13'  Bekzod Suvonov

89'  Asadbek Samariddinov

Open in Match Center

"Ғиждувон" - "Шўртан"

— Биринчи турда дам олган "Ғиждувон" учун мавсумдаги илк ўйин "Шўртан"га қарши бўлиб ўтади. Мезбонлардан ҳам кўпроқ юртимизга қайтган Алексей Евстафеевнинг иши қизиқ бўлса керак. Унинг ёшлар билан ишлаш тажрибасини ҳисобга олсак, Алиқуловдан сўнг "Шўртан" учун айни мос мураббий, дея оламиз. Ғузорликлар мавсумни ҳужумкор ва шиддатли руҳда бошлашди. "Қўқон-1912" билан 3:3 ҳисобида дуранг қайд этишгани "Ғиждувон" учун "сигнал" бўлиши аниқ.